.gif)
_(1).gif)
काठमाण्डौ । डिप्रोक्स लघुवित्त वित्तिय संस्था लिमिटेड नेपालका लघुवित्तहरु मध्य एक हो । यो कम्पनी सन् २००१ मा स्थापना भएको थियो । यो कम्पनीलाई नबिल बैंक , नेपाल बैंक , कृषि विकास बैंक र लुम्बिनी विकास बैंकले प्रवर्द्धन गरेका छन् ।
आधारभूत पक्षः
यस आर्थिक वर्षको दोस्रो त्रैमासिक प्रतिवेदनअनुसार कम्पनीको चुक्तापूँजी १ अर्ब ५५ कारोड १० लाख रुपैयाँ रहेको छ । कम्पनीको जगेडा कोषमा १ अर्ब ७५ करोड रुपैैयाँ छ । कम्पनीको कुल पूँजी ३ अर्ब ३० करोड रुपैयाँ छ । खुद मुनाफा १२ करोड १३ लाख रुपैयाँ रहेको कम्पनीको प्रतिसेयर आम्दानी १५.६४ रुपैयाँ छ । यो भनेको अघिल्लो आर्थिक वर्षको तुलनामा ४९.६२ प्रतिशतले कम हो । कम्पनीको बुक भ्यालु २१२.८४ रुपैयाँ छ भने रिर्टन अन इक्विटी ७.३५ प्रतिशत कायम छ ।
यस्तै कम्पनीको खराब कर्जा १०.४१ प्रतिशत र १० वर्षको औषत लाभाशं ३२.४ प्रतिशत छ ।
(1).gif)
प्राविधिक पक्ष
फिएर एण्ड ग्रिड मिटरका आधारमा यो कम्पनी बुलिस सेन्टिमेन्टमा चलेको देखिन्छ । कम्पनीको ५२ साताको उच्च मूल्य ८८८ रुपैयाँ र न्यून मूल्य ६१८ रुपैयाँ छ । हाल कम्पनीको अन्तिम कारोबार दिनको मूल्य ७२० रुपैयाँ कायम छ । कम्पनीमा ५१ प्रतिशत संस्थापक र ४९ प्रतिशत सर्वसाधारण समूहकोे छ ।
बोलिङगर ब्याण्ड म्याक्डी र आरएसआइ
बोलिङगर ब्याण्डको आधारमा यो कम्पनी हाल मध्य ब्याण्डमा चलेको छ । यसले कम्पनीको सेयरमा विस्तारै अप ट्रेन्ड लिदैं गरेको मान्न सकिन्छ । म्याक्डीमार्फत हेर्दा विस्तारै बुलिस क्रसओभर बन्दै गरेको देखिन्छ । हिस्टोग्राम फिक्का र छोटाछोटा हुँदै गएका छन् । आरएसआई न्यूट्रल जोन ५० भन्दा माथि चलेको छ । समग्रमा तीन वटै इन्डिकेटर बाट नियाल्दा यो कम्पनीको सेयरमा विस्तारै लगानीकर्ताको आकर्षण बढ्दै गएको देखिन्छ ।
पिभट् प्वइन्ट
पिभट विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकाल्नु भन्ने हो ।
बढेमा प्रतिरोध
प्रतिरोध ३ –८६०
प्रतिरोध २ –८१२
प्रतिरोध १– ७४१
पिभट प्वइन्टः ७०२
घटेमा सपोर्ट
सपोर्ट १– ६३९
सपोर्ट २– ५९२
सपोर्ट ३ –५२९
निष्कर्षः आधारभूत रुपमा कम्पनीलाई नियाल्दा कम्पनीले पछिल्लो वर्षमा पूँजी बढ्दै जाँदा खुद मुनाफमा पनि गिरावट आएको छ । रिर्टन अन इक्विटी घटेको छ । कम्पनीको जगेडा कोष भने बलियो देखिन्छ । कम्पनीको पूँजी भन्दा बढी जगेडा कोष रहेको छ । कुल पूँजी ३ अर्ब ३० करोड रुपैयाँ रहेको छ । तर कम्पनीको खराब कर्जा भने १० प्रतिशत भन्दा माथि रहेको छ ।
कम्पनीको १० वर्षको औषत लाभाशंदर ३२ प्रतिशत छ । प्राविधिक रुपमा यस कम्पनीको सेयर भाउ विस्तारै बोलिङगरको मध्य ब्याण्ड भन्दा माथि चल्दै गरेको देखिन्छ । फिएर एण्ड ग्रिड मिटरमा यस कम्पनीको सेयर भाउ बुलिस सेन्टिमेन्ट बन्दै गरेको देखिन्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
(1).jpg)
.jpg)
(1).gif)
.gif)
