नाइमा मोबिलिटी एक्स्पो २०२६ मा ४० नयाँ प्रडक्ट लन्च हुने

काठमाण्डौ । काठमाण्डौको भृकुटीमण्डपमा आगामी साउन २६ गते ३१ गतेसम्म आयोजना हुने ‘नाइमा नेपाल मोबिलिटी एक्स्पो २०२६’ मा ४० भन्दा बढी नयाँ प्रडक्ड लन्च हुने भएको छ ।

सोमबार आयोजित पत्रकार सम्मेलनमा नेपाल अटोमोबाइल इम्पोर्टर्स एन्ड म्यानुफ्याक्चरर्स एसोसिएसन (नाइमा) ले एक्स्पोमा सवारीसाधनसहित विभिन्न अटोमोबाइलसम्बन्धी उत्पादनको सार्वजनिक प्रदर्शन र लन्च गरिने जनाएको छ ।  

एक्स्पोका संयोजक गौरव शारदाका अनुसार नयाँ मोटरसाइकल, स्कुटर, कार तथा कमर्शियल भेहिकलका साथै ब्याट्री, चार्जर, स्पेयर पाट्र्सलगायत ४० भन्दा बढी नयाँ प्रोडक्ट सार्वजनिक गरिनेछन् ।

आयोजकका अनुसार एक्स्पोको तयारी तीव्र गतिमा भइरहेको छ । अवलोकनकर्ताको सुविधाका लागि नेपाल पुलिस क्लबमा पार्किङको व्यवस्था गरिएको छ ।  

आयोजकका अनुसार टिकटमा ५० प्रतिशत छुट, लर्निङ सेसन, फुड कोर्ट तथा पठाओमार्फत विशेष छुटसहितको सटल सेवा उपलब्ध गराइनेछ ।  

यस वर्षको एक्स्पोमा दुईपाङ्ग्रे, चारपाङ्ग्रे र कमर्शियल सवारी गरी ५५ वटा ब्रान्डको सहभागिता रहनेछ ।

चारपाङ्ग्रे सवारीतर्फ टाटा, आरफक्स, बीएआइसी, बीवाइडी, सिट्रोन, डेन्जा, फरथिङ, ग्रेटवाल मोटर्स, हेनरी भोल्ट्स, एमजी (पारामाउन्ट मोटर्स), निसान, हुन्डाई, महिन्द्रा, आइकार, ओमोडा÷जेको, प्रोटोन, केई, किया, लीपमोटर, मेक्सस, एमजी (गो अटोमोबाइल), होनरी बोमा, प्यूजो, टोयोटा, विलिङ र जिकर सहभागी हुनेछन् ।

दुईपाङ्ग्रे ब्रान्डमा एथर, बजाज, सीएफ मोटो, जिहो, ग्यारो, होन्डा, क्यारन, केटीएम, मोर्बिडेली, एनआइयु, प्यूजो एन्ड बेगुस, रोयल इनफिल्ड, सुजुकी, ट्रायम्फ, टिभीएस, अल्ट्राभोइलेट, याडिया र जेडएक्स मोटो सहभागी रहनेछन् ।

त्यस्तै, लाइट कमर्शियल सवारीतर्फ चेरी वान्डा, क्यारी, किटोन र स्काइवर्थ ब्रान्डले आफ्नो उपस्थिति जनाउनेछन् ।