.gif)
_(1).gif)
.png)
काठमाण्डौ । राष्ट्रबैंकका गभर्नर महाप्रसाद अधिकारीले नेपालको केन्द्रीय बैंक अन्य देशको तुलनामा अलिक बढी रुढीवादी(कन्जरभेटिभ) रहेको स्वीकार गरेका छन् । तर, यही नीतिका कारण अन्य मुलुकमाजस्तो सानोतिनो समस्याले यहाँको बैंक तथा वित्तीय क्षेत्रलाई नछोएको जिकिर समेत गरे ।
राष्ट्रिय वाणिज्य बैंकको ५९ औं वार्षिकोत्सव समारोहलाई सम्बोधन गर्दै उनले भने–‘अहिलेको आर्थिक अवस्था निकै राम्रै हुँदै गएको अवस्था छ । बाह्य क्षेत्रको सुधार राम्रो छ । रिकभरिबाहेक बैंक तथा वित्तीय संस्थाहरुको अन्य कुरामा समस्या छैन । पछिल्लो समय प्रभिजनमा कुनै कम्प्रोमाइज भएको देखेको छैनौं । तत्काल प्रफिट केही घटेको जस्तो देखिन्छ । तर घटिरहेको प्रफिट अधिकांश प्रभिजनिङका कारण हो ।’
.gif)
उनले अगाडि भने–‘हाम्रा नम्र्सहरु अलिक कन्जरभेटिभ छन्, हामी अरुभन्दा कन्जरभेटिभ नै छौं । हामीले अरु देशको तुलनामा होशियारीपूर्वक बैंकिङ सिस्टम चलाएका छौं । यहीकारण अन्य ठाउँमा सानो घटनाले बंैक कोल्याप्स भएका छन् । तर यहाँ ठूलै स्ट्रेस हुँदा पनि बैंकहरुलाई गाह्रो नपरेको देखेका छौं ।’
उनले आफूहरुले बैंकिङ सिस्टमलाई दह्रो, सस्टेनेबेल, सुरक्षित सिस्टमको रुपमा विकास गरेको समेत दाबी गरे ।
उनले आर्थिक शितिलताका कारण केही रिकभरिमा समस्या भए पनि अन्य तथ्यांकले बैंकहरुलाई सपोर्ट गरेको कुरा दोहोर्याए ।
अर्को एक प्रसंगमा उनले ब्याजदर निरन्तर घटिरहेको र कर्जाको ब्याज सिंगल डिजीटमा आउन लागेको दाबी समेत गरे।
‘हामीले नीतिहरुलाई सहजीकरण गर्दै आएका छौं । पोलिसी रेट घटाएको अवस्था छ । तरलताको अवस्था अत्यन्त राम्रो छ, बाह्य क्षेत्र पनि उत्तिकै राम्रो छ । क्रेडिटको डिमाण्ड क्रमशः बढ्ने अपेक्षा राखेका छौं ।’ अधिकारीले भने–‘राष्ट्रिय वाणिज्य बैंकको आधारदर ८.२५ प्रतिशतमा आइसकेको छ । यसको अर्थ यो बैंकले कतिपय कर्जा १०.२५ प्रतिशतभित्र दिनुपर्ने अवस्था बनेको छ । यसरी हेर्दा केही महिनामै वाणिज्य बैंकका अधिकांश कर्जाको ब्याजदर सिंगल डिजीटमा जाने अवस्था देखियो ।’
.png)
.jpg)
.jpg)
(59)(2)(193).png)
(59)(2)(192).png)
(32).jpg)
.gif)
.gif)
.gif)
