.gif)
.gif)
काठमाण्डौ । नेपाल इन्भेष्टमेन्ट मेगा बैंक(एनआईएमबी) नेपालका २० वटा वाणिज्य बैंकहरु मध्य एक हो । यो बैंक नेपाल इन्भेष्टमेन्ट र मेगा बैंक एक आपासमा मर्ज भएर बनेको बैंक हो । नेपाल इन्भेष्टमेन्ट बैंक सन् १९८६ मा स्थापित बैंक हो भने मेगा बैंक भने सन् २०१० मा स्थापित बैंक हो । यी दुवै बैंकले विस २०७९ पुस २७ गतेदेखि एकिकृत कारोबारको थालनी गरेका थिए ।
आधाभूत पक्षः
गत आर्थिक वर्षको तेस्रो त्रैमासिक प्रतिबेदनअनुसार कम्पनीको चूक्तापूँजी ३४ अर्ब १२ करोड ८५ लाख रुपैयाँ रहेको छ । कम्पनीको रिटेन अर्निङ ५ अर्ब ८१ करोडले नकरात्मक रहेको छ । त्यसैगरि, कम्पनीको जगेडा कोषमा २९ अर्ब ८५ करोड रुपैयाँ रहेको छ । कम्पनीको कूल पूँजी ५८ अर्ब ९० करोड रुपैयाँ रहेको छ । खूद मूनाफा ३ अर्ब २७ करोड ५२ लाख रुपैयाँ रहेको छ कम्पनीको रिर्टन अन इक्विटी ७.४२ प्रतिशत रहेको छ भने कम्पनीको खराब कर्जा अनुपात ४.६६ प्रतिशत रहेको छ । कम्पनीको बुक भ्यालु १७२ रुपैंयाँ रहेको छ ।
प्राविधिक पक्षः
फियर एण्ड ग्रिड मिटर
यो कम्पनी हाल ८५ को तहमा स्ट्रङ बुलिस सेन्टिमेन्टमा चलेको छ । यो भनेको कम्पनीको सेयरमा लगानीकर्ताको अधिक आकर्षण रहेको छ भन्ने हो । कम्पनीको ५२ साताको उच्च मूल्य प्रतिकित्ता २२० र न्यून मूल्य प्रतिकित्ता १४८ रुपैयाँ रहेको छ । आज यो कम्पनीको सेयरमूल्य प्रतिकित्ता २१९ रुपैयाँमा अन्तिम कारोबार भएको छ । कम्पनीमा ७९.४५ प्रतिशत संस्थापक समूह र २०.५५ प्रतिशत सेयर सर्वसाधारणको स्वामित्व रहेको छ ।
बोलिङ्गर ब्याण्ड , म्याक्डी तथा आरएसआई
बोलिङ्गर ब्याण्डको आधारमा यो कम्पनीको सेयर भाउ केही समयदेखि अपर ब्याण्डमा चलको देखिन्छ । आज अपर ब्याण्डमा ह्याम्मर प्रकृतिको क्याण्डल बनेको छ । यसले कम्पनीको मूल्यमा सम्भावित रिभर्सलको संकेत गर्छ । म्याक्डीमा बुलिस क्रसओभर भ्यालिड नै रहेको छ भने हिस्टोग्राम सकारात्मक र लामा–लामा हुँदै गएका छन् । आरएस ओभर बट जोन ८८ को तहमा रहेको छ । समग्रमा तीन वटै इन्डिकेटरबाट नियाल्दा यस कम्पनीमा आज केही नाफा बुक चलेको देखिन्छ ।
पिभट् विश्लेषण
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधारमानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –२३४
प्रतिरोध २ –२१७
प्रतिरोध १– २०८
पिभट प्वइन्टः १९०
घटेमा सपोर्ट
सपोर्ट १– १८१
सपोर्ट २– १६३
सपोर्ट ३ –१५४
निष्कर्षः आधारभूत रुपमा यो कम्पनीलाई नियाल्दा पछिल्ला वर्षहरुमा कम्पनीको बुक भ्यालु , प्रतिसेयर आम्दानी र रिर्टन अन इक्विटी बढेको देखिन्छ । यससँगै बैंकको खराब कर्जा अनुपात पनि १८.२७ प्रतिशतले बढेको छ ।
प्राविधिक रुपमा यो कम्पनीको सेयरभाउ फियर एण्ड ग्रिड मिटरमा बुलिस सेन्टिमेन्टमा चलेको देखिन्छ । यद्यपी आज बोलिङ्गरको अपर ब्याण्डमा वियरिस प्रकृतिको ह्याम्मर क्याण्डल बनेको छ । त्यसै गरि आरएसआईमा ओभर बट जोनमा पुगेको छ । यसकारण प्राविधिक रुपमा भने यो कम्पनीमा केही अल्पकालिन करेक्सन आउन सक्ने देखिन्छ । दीर्घकालमा भने कम्पनीको सेयर मूल्य बढ्न सक्ने देखिन्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
(1).jpg)
.jpg)
.jpg)
.gif)
