.gif)
_(1).gif)
काठमाण्डौ । शिवम् सिमेन्ट नेपालका सिमेन्ट कम्पनीहरु मध्य एक हो । यस कम्पनीलाई नेप्सेले उत्पादन तथा प्रसोधन समूहमा राखेको छ । हाल दोस्रो बजारमा शिवम् सिमेन्ट, घोराही सिमेन्ट र सर्वोत्तम सिमेन्टको कारोबार भएको छ ।
आधारभूत पक्षः
गत आर्थिक वर्षको तेस्रो त्रैमासिक प्रतिबेदन अनुसार कम्पनीको चूक्तापूँजी ५ अर्ब २ करोड रुपैयाँ रहेको छ । कम्पनीको रिजर्भमा ४ अर्ब ४३ करोड ३४ लाख रुपैयाँ रहेको छ । यो सँगै कम्पनीको कुल पूँजी ९.४६ करोड रुपैयाँ रहेको छ । कम्पनीको बुक भ्यालु १८८.१९ रुपैयाँ रहेको छ । रिर्टन अन इक्विटी २.८८ प्रतिशत रहेको कम्पनीको तेस्रो त्रैमाससम्म खुद मुनाफा २० करोड ४२ लाख ८२ हजार रहेको छ ।
(1).gif)
प्राविधिक पक्षः
फियर एण्ड ग्रिड मिटर
फियर एण्ड ग्रिड मिटरको आधारमा यो कम्पनी हाल ७० को तहमा कमजोर बुलिस यात्रामा रहेको छ । यदि यस्तो मिटर ८० भन्दा माथि रहेमा स्ट्रङ बुलिस र २० भन्दा तल स्ट्रङ वियरिस रहेको मानिन्छ । यस कम्पनीको ५२ साताको उच्च मूल्य प्रतिकित्ता ६१६ रुपैयाँ र न्यून मूल्य ४५४ रुपैयाँ रहेको छ । कम्पनीको शतप्रतिशत सेयर सर्वसाधारणमा रुपान्तरण भएको छ ।
बोलिङ्गर म्याक्डी आरएसआई
यस कम्पनीको बोलिङ्गर ब्याण्डको आवरली चार्टमा आज अपर ब्याण्डमा रातो क्याण्डल बनेको छ । म्याक्डीमा भने यस अघि बनेको बुलिस क्रसओभर भ्यालिड नै रहेको छ । हिस्टोग्राम सकारात्मक नै रहेको छ । आरएसआई भने करिब ८० को ओभर बट जोनबाट खसेर हाल ६० को तहमा पुगेको छ । तीन वटै इन्डिकेटरबाट नियाल्दा यस कम्पनीमा बिक्री दबाव परेको देखिन्छ । अर्थात आरएआईमा वियरिस डाइभर्जेन्स बनेको छ ।
पिभट् विश्लेषण
पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधारमानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –६७७
प्रतिरोध २ –६३८
प्रतिरोध १– ६३८
पिभट प्वइन्टः ६०२
घटेमा सपोर्ट
सपोर्ट १– ५२८
सपोर्ट २– ४८९
सपोर्ट ३ – ४५३
निष्कर्षः आधारभूत रुपमा यो कम्पनीलाई नियाल्दा पछिल्ला वर्षहरुमा कम्पनीको बुक भ्यालु , प्रतिसेयर आम्दानी र रिर्टन अन इक्विटी घटेको देखिन्छ । कम्पनीको बुक भ्यालु करिव ९ प्रतिशत , प्रतिसेयर आम्दानी र रिर्टन अन इक्विटी भने अघिल्लो आर्थिक बर्षको तुलनामा ४४.११ र ३८.६३ प्रतिशतले गिरावट आएको छ । खूद मूनाफा पनि ३६ प्रतिशतले गिरावट आाएको छ ।
प्राविधिक रुपमा यो कम्पनीको सेयरभाउ फियर एण्ड ग्रिड मिटरमा कम्जोर बुलिस सेन्टिमेन्टमा चलेको देखिन्छ । यद्यपी आज बोलिङ्गरको अपर ब्याण्डमा वियरिस प्रकृतिको ह्याम्मर क्याण्डल बनेको छ । त्यसैगरि, आरएसआईमा ओभर बट जोनमा पुगेको छ भने वियरिस डाभर्जेन्स बनेको देखिन्छ । यसकारण प्राविधिक रुपमा भने यो कम्पनीमा केही अल्पकालिन करेक्सन आउन सक्ने देखिन्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
(1).jpg)
.jpg)
(1).gif)
.gif)
