१०० अर्ब डलर क्लबबाट बाहिरिए अम्बानी र अडाणी

काठमाण्डौ । भारतका दुई धनाढ्य मुकेश अम्बानी र गौतम अडाणी ब्लूमबगए इन्डेक्सको १०० अर्ब डलर क्लबबाट बाहिरिएका छन् । व्यवसायमा आएको उतारचढावका कारण यी दुवै जनाको सम्पत्तिमा गिरावट आउँदा १०० अर्ब डलर क्लबबाट बाहिरिनु परेको हो ।  

तर यो वर्षमा समग्रमा भारतका धनाढ्यहरुको सम्पत्तिमा भने वृद्धि देखिएको छ । यो वर्षको जनवरीदेखि हालसम्म शीर्ष २० जना भारतीय धनाढ्यको सम्पत्ति ६७.३ अर्ब डलरले बढेको रिपोर्टमा उल्लेख छ । यो वर्ष सबैभन्दा धेरै सम्पत्ति आर्जन गर्नेमा आईटी टाइकुन शिव नाडर र सावित्रि जिन्दाल रहेका छन् । यो वर्ष शिव नाडरको सम्पत्ति १०.८ अर्ब डलरले बढेको छ भने सावित्रि जिन्दालको १०.१ अर्ब डलरले बढेको छ ।  

ब्लूमबर्गका अनुसार रिटेल र उर्जा व्यवसायको देखिएको कमीका कारण मुकेश अम्बानीको सम्पत्तिमा गिरावट आएको छ । अडाणीको सम्पत्ति गत जुलाई महिनामा १२०.८ अर्ब डलरबराबर थियो । अम्बानीका कान्छा छोराको विवाहपश्चात अर्थात डिसेम्बर १३ मा उनको सम्पत्ति ९६.७ अर्ब डलरमा सीमित बनेको थियो ।  

यस्तै उता गौतम अडाणीको अवस्था अम्बानीको भन्दा पनि भयावह छ । अमेरिकामा उनीमाथि भ्रष्टाचारको आरोप लागेको भने अमेरिकामा उनको व्यवसाय ठप्प पार्ने सम्भावना पनि बढेको छ । ब्लूमबर्गका अनुसार गत जुन महिनामा १२२.३ अर्ब डलर रहेको अडाणीको सम्पत्ति घटेर ८२.१ अर्ब डलरमा खुम्चिएको छ । अडाणीको व्यवसाय हिन्डनबर्ग रिपोर्ट र भ्रष्टाचारको आरोपले प्रभावित बनेको छ ।