विश्व बैंकले बढायो चीनको जीडीपी वृद्धिदर

काठमाण्डौ । विश्व बैंकले चीनको आर्थिक वृद्धिदर बढाएको छ । विश्व बैंकले सन् २०२४ र २०२५ का लागि चीनको आर्थिक वृद्धिदर बढाएको हो ।  

विश्व बैंकले यो वर्ष चीनको जीडीपी ४.९ प्रतिशत पुगेको जनाएको छ । बैंकले गत जुनमा यो वर्ष चीनको जीडीपी ४.८ प्रतिशत रहने जनाएको थियो । यद्यपी चीन सरकारले भने यो वर्ष चीनको जीडीपी ५ प्रतिशत रहने अपेक्षा गरेको थियो ।  

यद्यपी सन् २०२५ मा भने जीडीपी ४.५ प्रतिशत मात्रै रहने विश्व बैंकले जनाएको छ । यो वृद्धिदर विश्व बैंकले यसअघि प्रक्षेपण गरेको ४.१ प्रतिशतभन्दा भने धेरै नै हो ।  

सुस्त घरेलु आय वृद्धि र न्यून घरायसी मूल्यबाट हुने नकारात्मक सम्पत्तिले सन् २०२५ मा उपभोगमा प्रभाव पार्ने विश्व बैंकले जनाएको छ ।

चीनले सुस्ताएको अर्थतन्त्रलाई उकास्न ४११ ट्रिलिन डलरबराबरको ट्रेजरी बोन्ड जारी गर्ने तयारी समेत गरेको छ ।