१५ बीमा कम्पनीको सेयरभाउ बढ्यो, सर्वाधिक कमाउनेमा युनाइटेड अजोड

काठमाण्डौ । साताको चौथो कारोबार दिन सेयरबजारमा सामान्य अंकको बढोत्तरी भएको छ । नेप्से परिसूचक ५.१० अंकले बढेर २५८१.६० विन्दुमा उक्लिएको छ । नेप्सेमा सूचीकृत ३०५ कम्पनीको ९४ लाख ३४ हजार ९ कित्ता सेयर किनबेच हुँदा ३ अर्ब ५९ करोड ७४ लाख रुपैयाँमाथिको कारोबार भएको छ । 

नेप्सेमा रहेका १३ वटा उपसूचकमध्ये ८ वटा समूह बढेको छ भने ५ उपसूचक घटेको छ । बीमा समूहका दुईवटा उपसूचकमध्ये जीवन बीमा उपसूचक ०.०६ प्रतिशतले घटेको छ भने निर्जीवन बीमा उपसूचक ०.२२ प्रतिशतले बढेको छ । आज १५ वटा बीमा कम्पनीको सेयरभाउ बढेको छ । सर्वाधिक कमाउने वा सेयरभाउ बढ्ने बीमा कम्पनीमा युनाइटेड अजोड इन्स्योरेन्स रहेको छ । कम्पनीको सेयरभाउ १.७६ प्रतिशतले बढेर ६३६ रुपैयाँ पुगेको छ । 

त्यस्तै, सगरमाथा लुम्बिनी इन्स्योरेन्सको १.२९ प्रतिशत, प्रभु इन्स्योरेन्सको १.२८ प्रतिशत, सन नेपाल लाइफको ०.८२ प्रतिशत, आइजीआई प्रुडेन्सियलको ०.५७ प्रतिशत, आरबीसीएलको ०.५३ प्रतिशत, नेशनल लाइफको ०.५३ प्रतिशत, प्रभु महालक्ष्मी लाइफको ०.३९ प्रतिशत, हिमालयन रि इन्स्योरेन्सको ०.३८ प्रतिशत, नेपाल इन्स्योरेन्सको ०.३२ प्रतिशत, सानिमा जिआइसीको ०.३० प्रतिशत, सिद्धार्थ प्रिमियरको ०.३० प्रतिशत, एशियन लाइफको ०.१४ प्रतिशत, आइएमई लाइफको ०.०४ प्रतिशत र सानिमा रिलायन्स लाइफको ०.०२ प्रतिशतले सेयरभाउ बढेको छ। 

आज सर्वााधिक गुमाउने वा सेयरभाउ घट्ने बीमा कम्पनीमा भने एनएलजी इन्स्योरेन्स रहेको छ । कम्पनीको सेयरभाउ १.५४ प्रतिशतले घटेर ९५५ रुपैयाँ कायम भएको छ । त्यस्तै, नेपाल रि इन्स्योरेन्सको १.३३ प्रतिशत, हिमालयन एभरेष्टको ०.९८ प्रतिशत, नेपाल लाइफको ०.५६ प्रतिशत, हिमालयन लाइफको ०.३८ प्रशित, सिटिजन लाइफको ०.३१ प्रतिशत, एलआइसी नेपालको ०.२९ प्रतशित, नेको इन्स्योरेन्सको ०.१५ प्रतिशत, शिखर इन्स्योरेन्सको ०.१३ प्रतिशत, रिलायबल नेपाल लाफ र सुर्यज्योति लाइफको ०.०२ प्रतिशतका दरले सेयरभाउ घटेको छ ।