इमर्जिङ नेपालको ५०.११ लाख कित्ता सेयरको लक इन अवधि फागुनमा समाप्त हुने

काठमाण्डौ । इमर्जिङ नेपाल लिमिटेडको लक इन समयावधि फागुनमा समाप्त हुने भएको छ । कम्पनीको ५० लाख कित्ता बढी सेयरको लक इन अवधि आज समाप्त हुन लागेको हो ।  

कम्पनीको संस्थापक सेयर, कर्मचारीका लागि सुरक्षित गरिएको सेयरको लक इन अवधि हुन लागेको कम्पनीले जनाएको छ।  

कम्पनीको ५० लाख ४ सय कित्ता संस्थापक सेयर र  कर्मचारीका लागि सुरक्षित गरिएको ११ हजार ११२ कित्ता गरी कुल ५० लाख ११ हजार ५१२ कित्ता सेयरको लक इन अवधि सकिन लागेको हो ।  

कम्पनीले संस्थापक, र कर्मचारीलाईसहित सर्वसाधारणलाई जारी गरेको सेयर विस २०७८ फागुन ४ गते बाँडफाँड गरेको थियो । धितोपत्र बार्डले कम्पनीले सर्वसाधारणका लागि निष्कासन गरि बाँडफाँड गरिएको मितिले तीन वर्ष समाप्त नभएसम्म संस्थापक सेयरधनीले धारण गरेको,स्थानिय बासिन्दा तथा कर्मचारीलाई बाँडफाड गरिएको सेयर लक इनमा राख्नु पर्ने व्यवस्था गरेको छ ।