पेट्रोल रु. ५ र डिजल मट्टितेल रु. ४ रुपैयाँ सस्तो

काठमाण्डौ। पेट्रोल र डिजलको मूल्य घटेको छ ।  

नेपाल आयल निगमको सञ्चालक समितिको बैठकले शनिवार मध्यरातिदेखि लागू हुने गरी पेट्रोलको मूल्य प्रतिलिटरमा रु. ५ र डिजेल तथा मट्टितेलको मूल्य प्रतिलिटरमा ४ रुपैयाँले घटाएको हो । 

मुल्य समायोजनपछि अब काठमाडौँ उपत्यकामा पेट्रोलको मूल्य प्रतिलिटर १६३ रुपैयाँ र डिजेल तथा मट्टीतेलको १५१ रुपैयाँ कायम भएको छ । 

निगमले जारी गरेको एक विज्ञप्तिअनुसार इण्डियन आयल कर्पोरेसन(आईओसी)बाट मार्च १५ मा प्राप्त नयाँ मूल्यसूचीअनुसार पेट्रोल र डिजेल तथा मट्टितेलको मूल्य समायोजन गरिएको हो ।