नेप्सेमा थप दुई कम्पनीको बोनस सेयर सूचीकृत, कुनको कति ?

काठमाण्डौ । नेपाल स्टक एक्सचेञ्ज (नेप्से)मा थप दुई कम्पनीको बोनस सेयर सूचीकृत भएको छ । माउन्टेन इनर्जी नेपाल लिमिटेड र महालक्ष्मी विकास बैंकको बोनस सेयर सूचीकृत भएको हो ।  

माउन्टेन इनर्जीको वार्षिक साधारण सभाबाट पारित भएको १५ प्रतिशत दरको ३३ लाख ९४ हजार ८४६ कित्ता सेयर सूचीकृत भएको हो । योसँगै नेप्सेमा कम्पनीको सूचीकृत सेयर संख्या २ करोड ६० लाख २७ हजार १५८ पुगेको छ ।  

त्यस्तै, महालक्ष्मी विकास बैंकको ३ प्रतिशत दरको कुल १२ लाख ५१ हजार ३९५ कित्ता सेयर सूचीकृत भएको हो । योसँगै बैंकको नेप्सेमा सूचीकृत सेयर संख्या ४ करोड २९ लाख ६४ हजार ५८२ पुगेको छ ।