कृषि विकास बैंकले माग्यो ठूलो संख्यामा कर्मचारी, कहिलेसम्म दिन सकिन्छ आवेदन ?

काठमाण्डौ । कृषि विकास बैंकले ठूलो संख्यामा कर्मचारी माग गरेको छ । बैंकले आज एक सूचना जारी गर्दै सहायकदेखि अधिकृतसम्म विभिन्न पदका लागि ११८ जना कर्मचारी माग गरेको हो ।  

जसअनुसार शाखा प्रमुख १ जना,व्यवसाय अधिकृत ४८ जना,व्यवस्था सूचना प्रणाली अधिकृत ३ जना, कानून अधिकृत १ जना,कम्प्युटर अधिकृत १ जना, कर्जा अधिकृत ५ जना र लेखापाल(मधेश प्रदेश)३५ जना,बागमति प्रदेश १५ जना र लुम्बिनी प्रदेशका लागि ९ जना कर्मचारी माग गरेको छ ।  

उल्लेखित पद खुला तथा समावेशी प्रतियोगियात्मक परीक्षाबाट पदपूर्ति गरिनेछ । लिखित परीक्षा लोकसेवा आयोगले लिनेछ । दरखास्त फारम भर्ने अन्तिम मिति वैशाख ११ गते रहेको छ र दोब्बर दस्तुर तिरेर वैशाख १८ गतेसम्म फारम भर्न पाइनेछ । 

तह ४ का लागि आवेदकको न्यूनतम उमेर १८ वर्ष पूरा भई ३५ वर्ष ननाघेको र तह ६ का लागि २१ वर्ष पूरा भई ३५ वर्ष ननाघेको हुनु पर्नेछ । महिला र अपाङ्गको हकमा उमेरको माथिल्लो तह ४ण् वर्ष ननाघेको हुनुपर्नेछ ।  

यस्तै तह ८ का लागि २१ वर्ष पूरा भई ४५ वर्ष ननाघेको हुनुपर्नेछ भने बैंकमा कार्यरत कर्मचारीको हकमा उमेरको हद लागू हुनेछैन ।