१२ बीमा कम्पनीको मात्रै सेयरभाउ बढ्यो, सर्वाधिक गुमाउनेमा आइजीआई प्रुडेन्सियल

काठमाण्डौ । साताको पहिलो कारोबार दिन सेयरबजारमा सामान्य अंकको गिरावट आएको छ ।नेप्से परिसूचक ८.५७ अंकले घटेर २६७९.९८ विन्दुमा कायम भएको छ । नेप्सेमा सूचीकृत ३१४ कम्पनीको १ करोड ८५ लाख ५ हजार ७७१ कित्ता सेयर किनबेच हुँदा ७ अर्ब ६० करोड रुपैयाँमाथिको सेयर कारोबार भएको छ । 

आज बीमा समूहका दुईवटै समूह घटेका छन् । जीवन बीमा समूह ०.३९ प्रतिशत र निर्जीवन बीमा समूह ०.०९ प्रतिशतले घटेको छ । आज १२ बीमा कम्पनीको मात्रै सेयरभाउ बढेको छ । सर्वाधिक कमाउनेमा सिद्धार्थ प्रिमियर इन्स्योरेन्स रहेको छ । कम्पनीको सेयरभाउ ०.८८ प्रतिशलते बढेर ८२९ रुपैयाँ पुगेको छ । 

त्यस्तै, हिमालयन एभरेष्टेको ०.२४ प्रतिशत, नेपाल इन्स्योरेन्सको ०.४७ प्रतिशत, नेको इन्स्योरेन्सको ०.५४ प्रतिशत, प्रभु इन्स्योरेन्सको ०.०७ प्रतिशत, आरबीसीएलको ०.१६ प्रतिशत, सलिकोको ०.६९ प्रतिशत, गार्डियन माइक्रो लाइफको ०.१२ प्रतिशत, आइएमई लाइफको ०.४५ प्रतिशत, नेशनल लाइफको ०.४६ प्रतिशत, सन नेपाल लाइफको ०.३७ प्रतिशत र हिमालयन रि को ०.४६ प्रतिशतले सेयरभाउ बढेको छ । आज सर्वाधिक गुमाउने बीमा कम्पनीमा भने आइजीआई प्रुडेन्सियल रहेको छ । कम्पनीको सेयरभाउ १.५८ प्रतिशतले घटेर ५४५ रुपैयाँ कायम भएको छ । 

यसका साथै एनएलजीका ०.७९ प्रतिशत, नेपाल माइक्रो इन्स्योरेन्सको १.४३ प्रतिशत, सानिमा जिआइसीको ०.५६ प्रतिशत, शिखरको ०.१८ प्रतिशत, युनाइटेड अजोडको ०.७० प्रतिशत, एशियन लाइफको १.३३ प्रतिशत, सिटिजन लाइफको ०.०१ प्रतिशत, क्रेष्ट माइक्रो लाइफको १ प्रतिशत, हिमालयन लाइफको ०.७३ प्रतिशत, एलआइसी नेपालको ०.५८ प्रतिशत, नेपाल लाइफको ०.३२ प्रतिशत, प्रभु महालक्ष्मी लाइफको १.४१ प्रतिशत, रिलायलब नेपाल लाइफको ०.४३ प्रतिशत, सूर्यज्योति लाइफको ०.७२ प्रतिशत, सानिमा रिलायन्स लाइफको ०.५४ प्रतिशत र नेपाल रि इन्स्योरेन्सको १.५० प्रतिशतले घटेको छ ।