८ बीमा कम्पनीको मात्रै सेयरभाउ बढ्यो, सर्वाधिक गुमाउनेमा नेपाल माइक्रो इन्स्योरेन्स

काठमाण्डौ । साताको दोस्रो कारोबार दिन सेयरबजारमा झिनो अंकको गिरावट आएको छ । नेप्से परिसूचक ५.२१ अंकले घटेर २६७४ विन्दुमा कायम भएको छ । नेप्सेमा सूचीकृत ३३७ कम्पनीको १ करोड ७१ लाख ६० हजार ६२५ कित्ता सेयर किनबेच हुँदा ७ अर्ब ५८ करोड रुपैयाँमाथिको सेयर कारोबार भएको छ । 

आज बीमा समूहका दुईवटै उपसूचक घटेका छन् । जीवन बीमा समूह ०.२४ प्रतिशत र निर्जीवन बीमा उपसूचक ०.४४ प्रतिशतले घटेको छ । आज ८ बीमा कम्पनीको मात्रै सेयरभाउ बढेको छ । सर्वाधिक कमाउने वा सेयरभाउ बढ्ने कम्पनीमा सिद्धार्थ प्रिमियर इन्स्योरेन्स रहेको छ । कम्पनीको सेयरभाउ १.२६ प्रतिशतले बढेर ८३४ रुपैयाँ पुगेको छ । 

त्यस्तै, नेको इन्स्योरेन्सको १.२५ प्रतिशत, आरबीसीएलको ०.०६ प्रतिशत, सलिकोको ०.०४ प्रतिशत, हिमालयन लाइफको ०.२८ प्रतिशत, आइएमई लाइफको ०.३१ प्रतिशत, नेशनल लाइफको ०.०५ प्रतिशत र सूर्यज्योति लाइफको ०.७२ प्रतिशतले बढेको छ । आज सर्वाधिक गुमाउने बीमा कम्पनीमा भने नेपाल माइक्रो इन्स्योरेन्स रहेको छ । कम्पनीको सेयरभाउ २.८२ प्रतिशतले घटेर १९३६.५० रुपैयाँ कायम भएको छ । 

त्यस्तै, हिमालयन एभरेष्टको ०.८८ प्रतिशत, आइजीआई प्रुडेन्सियलको ०.०५ प्रतिशत, नेपाल इन्स्योरेन्सको ०.७८ प्रतिशत, एनएलजीको १.४८ प्रतिशत, प्रभु इन्स्योरेन्सको ०.६५ प्रतिशत, सानिमा जिआइसीको ०.३८ प्रतिशत, शिखरको १.९७ प्रतिशत र युनाइटेड अजोडको ०.६७ प्रतिशतले सेयरभाउ घटेको छ । 

यसका साथै एशियन लाइफको ०.१२ प्रतिशत, सिटिजन लाइफको ०.०४ प्रतिशत, क्रेष्ट माइक्रो लाइफको २.१८ प्रतिशत, गार्डियन माइक्रो लाइफको १.०६ प्रतिशत, एलआइसी नेपालको ०.७० प्रतिशत, नेपाल लाइफको ०.२४ प्रतिशत, प्रभु महालक्ष्मी लाइफको ०.६३ प्रतिशत, रिलायबल नेपाल लाइफको ०.३१ प्रतिशत, सन नेपाल लाइफको ०.२३ प्रतिशत र सानिमा रिलायन्स लाइफको ०.१७ प्रतिशतले सेयरभाउ घटेको छ । यता पुनर्बीमातर्फ हिमालयन रि को सेयरभाउ ०.७३ प्रतिशतले घटेर ९३३.१० रुपैयाँ र नेपाल रि को सेयरभाउ १.०६ प्रतिशतले घटेर १२६९ रुपैयाँ कायम भएको छ ।