प्रभु महालक्ष्मी लाइफको लाभांश सुरक्षित गर्ने आज अन्तिम दिन

काठमाण्डौ । प्रभु महालक्ष्मी लाइफ इन्स्योरेन्स कम्पनी लिमिटेडको लाभांश सुरक्षित गर्ने आज अन्तिम दिन रहेको छ । कम्पनीद्वारा आर्थिक वर्ष २०८०/८१  का लागि प्रस्तावित ८ प्रतिशत बराबर बोनस सेयर तथा सो मा लाग्ने कर प्रयोजनको लागि ०.४२१ प्रतिशत नगद लाभांश सुरक्षित गर्ने आज अन्तिम दिन रहेको हो ।  

लाभांश वितरण प्रयोजनका लागि कम्पनीले जेठ १६ गते बुक क्लोज गर्दैछ । यसर्थ आजसम्म नेप्सेमा कारोबार भइर्् कायम भएका सेयरधनीहरु मात्रै कम्पनीद्वारा प्रस्तावित लाभांशका लागि योग्य हुनेछन् । जेठ १५ गते गणतन्त्र दिवसको सार्वजनिक बिदा परेको छ ।  

कम्पनीले लाभांश पारित गर्न जेठ २६ गते काठमाण्डौको भाटभटेनीमा रहेको आम्रपाली ब्याङक्वेटमा बिहान ११ बजेदेखि सभा आयोजना गर्दैछ । उक्त सभाबाट लाभांश पारित भएपश्चात आजसम्म कायम सेयरधनीहरुलाई लाभांश वितरण गरिनेछ ।