.gif)
(2).gif)
.jpg)
_(1).gif)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । आज नेप्से परिसूचक १३.५१ अंक अर्थात ०.६७ प्रतिशतले बढेर २ हजार ३०.५५ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.५३ प्रतिशतले बढेर ३६०.२७ विन्दुमा पुगेको छ । यो दिन नेप्सेमा सूचीकृत मध्ये ३०९ वटा कम्पनीको ८९ लाख २९ हजार १५२ कित्ता सेयर ३ अर्ब १९ करोड ९२ लाख रुपैयाँभन्दा बढीको कारोबार भएको छ ।
आजको बजारबारे बजार जानकार उपेन्द्र पाठक भन्छन्,‘नयाँ अर्थमन्त्रीको नियुक्ती पछि बजारले हरियो झण्डा देखाउँदै सकारात्मक रेसपोन्स गरेको छ । १२ वर्ष अघि उहाले पूँजी बजारका लागि गरेका राम्रा कामले लगानीकर्तामा केहि उत्साह देखिएको छ ।’
नवनियुक्त अर्थमन्त्री वर्षमान पुनले ६० लाख लगानीकर्ताको हितका लागि काम गर्ने प्रतिवद्धता जाहेर गरेको र यसले लगानीकर्ताको मनोबल बढेको उनले बताए । ‘अहिले ब्याजदर घट्दो छ । नेपाल बैंक लगायत केहि बैंकले सिंगल डिजिट मै कर्जा दिईरहेका छन् । यसले बजारको माहोल सकारात्मक नै भएको जनाएको छ ।’ उनले भने ।
नयाँ अर्थमन्त्रीले पूँजी बजारको विकासका लागि काम गरेर देखाउनुपर्ने समय आएको पाठक बताउँछन् ।
यो दिन नेप्सेमा सूचीकृत १३ वटा समुहमध्ये ३ वटा समूहबाहेक अन्य सबै समुहमा हरियाली छाएको छ । आज निर्जीवन बीमा समुहमा सबैभन्दा धेरै अर्थात १.५६ प्रतिशतको वृद्धि देखिएको छ । आज बैंकिङ समूह ०.५५, विकास बैंक ०.७५,वित्त ०.२७,हाईड्रो १.१४,लगानी ०.४४,जीवन बीमा ०.३७,उत्पादन तथा प्रशोधन ०.१६,लघुवित्त ०.८१ र अन्य समुह ०.६९ प्रतिशतले बढे ।
यो दिन होटल समूह ०.२४,म्युचुअल फण्ड ०.७९ र व्यापार समुह ०.२५ प्रतिशतले घटे ।
धेरै कारोबार गर्ने कम्पनीहरु
आज नेपाल रि इन्स्योरेन्स कम्पनीको संस्थापक सेयरको सर्वाधिक अर्थात ५६ करोड २० लाख बढीको कारोबार भएको छ ।
त्यस्तै शिवम् सिमेन्टको १६ करोड ४१ लाख,सोनापुर मिनरल्सको १३ करोड ४१ लाख,मोलुङ हाईड्रोपावरको १३ करोड ३७ लाख र हाथवे इनभेष्टमेन्टको ९ करोड ७९ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज पिपुल्स पावरको सेयरमूल्य सर्वाधिक वृद्धि भएको छ । यो कम्पनीको सेयरमूल्य १० प्रतिशतले बढ्दै सकारात्मक सर्किट लागेको छ । यो दिन चिरख्वा हाईड्रोको सेयरमूल्य ८.९७ प्रतिशत,मध्य भोटेकोशी जलविद्युतको ५.९६,बुद्धभुमी नेपाल हाईड्रोका ५.९६ र हाथवे इन्भेष्टमेन्टको सेयरमूल्य ५.६४ प्रतिशतले बढेको छ ।
आज एनआईसी एशिया ग्रोथ फण्डको मूल्यमा सर्वाधिक अर्थात ६.२१ प्रतिशतको गिरावट आएको छ ।
यस्तैसामलिङ पावरको सेयरमूल्य ५.०२,बोटलर्स नेपाल(तराइ)को ४.३५ र जोशी हाईड्रोको सेयरमूल्य ३.४६ प्रतिशतले घटेको छ ।
.gif)
.png)
.jpg)
.jpg)
(6).png)
(52).jpg)
(1).gif)
