.gif)
.gif)
.png)
काठमाण्डौ । मन्जुश्री फाइनान्सको मुनाफामा गिरावट आएको छ । कम्पनीले जारी गरेको चालु आर्थिक वर्ष २०८०/८१ को दोस्रो त्रैमासको अपरिष्कृत वित्तीय विवरण अनुसार कम्पनीको मुनाफा २२.४७ प्रतिशतले घटेको हो ।
कम्पनीले समिक्षा अवधिसम्म १० करोड ५४ लाख ७१ हजार रुपैयाँ खूद मुनाफा आर्जन गरेको छ । अघिल्लो वर्षको सोहि अवधिसम्म कम्पनीको खूद मुनाफा १३ करोड ६५ लाख २९ हजार रुपैयाँ थियो ।
कम्पनीको ईम्पेयरमेन्ट चार्जमा व्यापक वृद्धि भएको छ । समिक्षा अवधिमा कम्पनीको यस्तो चार्ज ४००८.४ प्रतिशतले बढेको छ । अघिल्लो आवमा २३ लाख ९३ हजार रहेको कम्पनीको इम्पेयरमेन्ट चार्ज बढेर ९ करोड ८३ लाख १४ हजार रुपैयाँ पुगेको छ ।
इम्पेयरमेन्ट चार्ज बढ्दा यसको प्रभाव कम्पनीको वितरणयोग्य मुनाफामा परेको छ । कम्पनीकोे वितरणयोग्य मुनाफा २ करोड ५६ लाख ५५ हजार रुपैयाँले ऋणात्मक बन्न पुगेको छ । अघिल्लो आवको सोहि अवधिमा कम्पनीको वितरणयोग्य मुनाफा १ करोड २० लाख ३५ हजार रुपैयाँ थियो ।
कम्पनीको खराब बर्जा अनुपात पनि बढेर ३.५० प्रतिशत पुगेको छ । अघिल्लो आवको दोस्रो त्रैमाससम्म यो अनुपात २.०२ प्रतिशतमा सीमित थियो ।
वित्तीय संस्थाको कोर बिजनेशको रुपमा हेरिने ब्याज आम्दानीमा भने कम्पनीले सुधार गरेको छ । अघिल्लो आव ९८ करोड ८७ लाख २२ हजार रहेको कम्पनीको खुद ब्याज आम्दानी बढेर १ अर्ब १३ करोड ८८ लाख ४ हजार रुपैयाँ पुगेको छ ।
समिक्षा आवसिम्म कम्पनीको प्रति सेयर आम्दानी १५.६१ रुपैयाँ,मूल्य आम्दानी अनुपात ३४.२१ गुणा,तरलता अुपात २८.४३ गुणा र प्रति सेयरमूल्य १५४.२७ रुपैयाँ रहेको छ ।
.png)
.png)
.gif)
