इन्ट्रा डे देखि अक्सन मार्केटसम्मको व्यवस्था गर्ने सेबोनको घोषणा

काठमाण्डौ । नेपाल धितोपत्र बोर्डले आज सार्वजनिक गरेको नीति तथा कार्यक्रममा इन्ट्रा डे कारोबार, सेक्युरिटिज लेन्डिङ एण्ड बरोइङसम्बन्धी नीतिगत तथा कानूनी व्यवस्था गर्ने जनाएको छ ।

बोर्डले योसँगै अक्सन मार्केटको व्यवस्था गर्न आवश्यक सहजीकरण गर्ने, जोखिममा आधारित सुपरिवेक्षण ढाँचा लागू गने, आइपीओ निष्कासनलाई छिटो छरितो बनाउने र धितोपत्र दलाल व्यवसायीहरुको प्रभावकारी अनुगमन गर्ने जस्ता नीतिगत व्यवस्थाहारु समेटेको छ ।

यसका साथै बोर्डले सूचीकृत कम्पनीहरु वर्गीकरण व्यवस्थालाई सुधार गरी समसामयिक बनाउन विद्यमान कानूनी व्यवस्थालाई सुधार गर्ने आवश्यक व्यवस्था गर्ने बोर्डले जनाएको छ ।