(1).gif)
(2).gif)
(1).gif)
.png)
काठमाण्डौ । बरुण हाइड्रोपावर कम्पनी लिमिटेडको हकप्रद सेयर खरिदका लागि आवेदन दिने म्याद थप गरिएको छ । कम्पनीले गत असार ३१ गतेदेखि जारी गरेको हकप्रदमा आवेदन दिने म्याद थप गरिएको हो। कम्पनीले हाल कायम चुक्तापूँजी ५३ करोड ५८ लाख १५ हजार रुपैयाँबराबरको शतप्रतिशत अर्थात १ः१ अनुपातमा रु।१०० अंकित दरका ५३ लाख ५८ हजार १५० कित्ता हकप्रद सेयर जारी गरेको छ ।
यो हकप्रदमा आवेदन दिने म्याद साउन १९ गते निर्धारण गरिएको थियो । तर माग बमोजिम आवेदन नपरेकाले म्याद थप गरिएको हो । अब यो हकप्रदमा भदौ ३ गतेसम्म आवेदन दिन सकिनेछ ।
.gif)
.gif)
कम्पनीले हकप्रद सेयर निष्कासन प्रयोजनका लागि गत जेठ २२ गते एक दिनका लागि बुक क्लोज गरेको थियो । यसर्थ, जेठ २१ गतेसम्म नेप्सेमा कारोबार भई कायम भएका सेयरधनीहरु मात्रै कम्पनीद्वारा जारी गरिने हकप्रद खरिदका लागि योग्य हुनेछन् ।
कम्पनीको हकप्रद निष्कासन तथा बिक्री प्रबन्धकको रुपमा आरबीबी मर्चेन्ट बैंकिङ लिमिटेड रहेको छ । लगानीकर्ताले बिक्री प्रबन्धक आरबीबी मर्चेन्ट बैंकिङका साथै राष्ट्रिय वाणिज्य बैंकको विरगञ्ज, जनकपुर, नारायणगढ, बाग्लुङ, बुटवल, नेपालगञ्ज, वीरेन्द्रनगर, धनगढी, बिर्तामोड, हेटौँडा, तुलसीपुर, महेन्द्रनगर, चैनपुर, खादबारी र धरान शाखा कार्यालयबाट आवेदन दिन सक्नेछन्।
यसैगरी, नेपाल धितोपत्र बोर्डबाट इजाजत प्राप्त सि–आस्बा सेवामा सहभागी बैंक तथा वित्तीय संस्था तथा ‘मेरो सेयर’ बाट समेत आवेदन दिन सक्नेछन्।
हकप्रदबाट प्राप्त रकम क्षतिग्रस्त हेवाखोला जलविद्युत आयोजनाको पुनर्निर्माण तथा जलशक्ति हाइड्रो कम्पनीमा लगानी र अधिग्रहणका लागि उपयोग गरिने कम्पनीले जनाएको छ।
.png)
(1).png)
.jpg)
.jpg)
.png)
