(1).gif)
(2).gif)
.jpg)
(1).gif)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च (नेप्से) मा सामान्य अंकको गिरावट आएको छ । आज नेप्से परिसूचक ०.३३ प्रतिशत अर्थात ९.२२ अंकले घटेर २ हजार ७५७.९७ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.१४ प्रतिशतले घटेर ४७४.२६ विन्दुमा झरेको छ । यो दिन नेप्सेमा सूचीकृत मध्ये ३१९ वटा स्क्रिप्टको १ करोड ६८ लाख ५५ हजार ९०६ कित्ता सेयर ५ अर्ब २ करोड १ लाख रुपैयाँभन्दा बढीको कारोबार भएको छ ।
आजको बजारबारे बजार जानकार उपेन्द्र पाठक भन्छन्, ‘अहिले बजार घट्नुको मुख्य कारण भनेको उधारो कारोबार नै हो । उधारो कारोबारले गर्दा नै ब्रोकरहरु जेलसम्म जानुपर्यो । त्यही कारण २६ अर्ब पुगेको कारोबार यतिबेला ५ अर्बमा सीमित बनेको छ । यो भनेको बजारमा नयाँ पैसा नआउनु हो ।’
राष्ट्र बैंकले बैंकहरुलाई दोस्रो बजारमा कारोबार गर्न सहजिकरण नगरेसम्म र २५ करोडको क्याप पूर्ण रुपमा नहटेसम्म बजारमा ठूलो लगानी नभित्रिने उनले बताए । नेप्सेले सुरु गरेको अन्तिम १५ मिनेटको भारित औषत मूल्यले लगानीकर्तामा मनोवैज्ञानिक असर परेपनि यही कारणले मात्रै बजार घटेको भन्न नमिल्ने उनले स्पष्ट पारे ।
.gif)
.gif)
अर्का बजार जानकार यज्ञ घिमिरेले बजार घट्नुमा दुई–तीनवटा कारण रहेको बताए । ‘उच्च मूल्यमा खरिद गरेकाहरु बजार नछिर्नु, बेचेकाहरु अझै घट्छ भनेर कुरेर बस्नु, विभिन्न अटो शोमा लगानीकर्ता आकर्षित हुनु र ब्रोकरहरुले पनि केही टाइट गर्दा बजार घट्न पुगेको हो,’ उनले भने ।
यो दिन नेप्सेमा सूचीकृत १३ वटा समूहमध्ये एउटाबाहेक अन्य सबैमा रातो पोतियो । आज निर्जीवन बीमा समूह मात्रै बढ्यो । यो समूह आज ०.१९ प्रतिशतले बढ्यो ।
व्यापार समूह आज सर्वाधिक अर्थात ०.८३ प्रतिशतले घट्यो । यस्तै बैंकिङ समूह ०.०३ प्रतिशत, विकास बैंक ०.६४, फाइनान्स ०.४७, होटल ०.६९, हाईड्रो ०.४१, लगानी ०.२०, जीवन बीमा ०.२०, उत्पादन तथा प्रशोधन ०.०९, लघुवित्त ०.२१, म्युचुअल फण्ड ०.०६ र अन्य समूह ०.५८ प्रतिशतले घट्यो ।
धेरै कारोबार गर्ने कम्पनीहरु
यो दिन हिमालयन रि इन्स्योरेन्सको सर्वाधिक सेयर कारोबार भयो । आज यो कम्पनीको २४ करोड ९ लाख बढीको सेयर कारोबार भयो । नेपाल पुनर्बीमा कम्पनीको पनि आज २० करोड ९ लाख, बलेफि हाईड्रोको १४ करोड १९ लाख, बुटवल पावरको १३ करोड ४६ लाख र हिमालयन डिष्ट्रलरीको १३ करोड ८ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएको एउटा कम्पनीको सेयरमूल्यमा मात्रै अपर सर्किट लाग्यो । आज विकाश हाईड्रोको सेयरमूल्य सर्वाधिक अर्थात ९.९९ प्रतिशतले बढ्यो ।
सामुदायिक लघुवित्तको सेयरमूल्य पनि आज ५.३७ प्रतिशत, रसुवागढी हाईड्रोपावरको २.८६ र युनाइटेड अजोड इन्स्योरेन्सको सेयरमूल्य २.६६ प्रतिशतले बढ्यो ।
जनउत्थान सामुदायिक लघुवित्तको सेयरमूल्य आज सर्वाधिक अर्थात ४.६५ प्रतिशतले घट्यो । यसैगरी सयपत्री हाईड्रोको सेयरमूल्य ४.५३ प्रतिशत र पञ्चकन्या माई हाईड्रोको सेयरमूल्य ३.०८ प्रतिशतले घट्यो ।
.png)
(20).jpg)
.png)
(1).jpg)
(185).jpg)
.jpg)
