(1).gif)
(2).gif)
.jpg)
(1).gif)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च (नेप्से)परिसूचक दोहोरो अंकले घटेको छ । आज नेप्से परिसूचक १.३५ प्रतिशत अर्थात ३७.१० अंकले घटेर २ हजार ७८२ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.१८ प्रतिशतले घटेर ४७७.६९ विन्दुमा झरेको छ । यो दिन नेप्सेमा सूचीकृत मध्ये ३२२ वटा स्क्रिप्टको १ करोड ७८ लाख ९१ हजार ९१७ कित्ता सेयर ८ अर्ब ९ करोड ५६ लाख रुपैयाँभन्दा बढीको कारोबार भएको छ ।
आजको बजारबारे बजार जानकार सरोज भट्टराई भन्छन्, ‘बजारमा बिस्तारै चावपर्वको प्रभाव देखिन थालेको छ । साना लगानीकर्ताहरुले लामो समय सेयर होल्ड गर्न नसक्दा र साँवा मात्रै भएपनि निकालेर बजारबाट बाहिरिदा त्यसको प्रभाव बजारमा परेको हो ।’
उनले दशैं–तिहारसम्म बजार साइडवेज नै चल्न सक्ने आँकलन गरे ।
.gif)
.gif)
अर्का बजार जानकार यज्ञ घिमिरेले पनि लगानीकर्ताको मनोबल कमजोर बन्नु, छाटो समयमा नाफा बुक गर्नु, बजारमा नयाँ पैसा नआउनु र बैंकलाई लगानी गर्न नदिनु जस्ता कारणले बजार घटेको बताए ।
यो दिन नेप्सेमा सूचीकृत १३ वटा समूहमध्ये एउटा बाहेक अन्य सबै समूहमा रातो पोतियो । आज म्युचुअल फण्ड समूह मात्रै बढ्यो । यो समूह आज ०.१९ प्रतिशतले बढ्यो ।
विकास बैंक समूह आज सर्वाधिक अर्थात २.४३ प्रतिशतले घट्यो । बैंकिङ समूह पनि आज ०.८६ प्रतिशत, फाइनान्स १.८३, होटल १.६८, हाईड्रो १.४३, लगानी १.५५, जीवन बीमा १.५४, उत्पादन तथा प्रशोधन १.७१, लघुवित्त १.३९, निर्जीवन बीमा ०.०७, अन्य १.७१ र व्यापार समूह ०.६८ प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल पुनर्बीमा कम्पनीको सर्वाधिक सेयर कारोबार भयो । आज यो कम्पनीको ६५ करोड ४४ लाख बढीको सेयर कारोबार भयो । हिमालयन रि इन्स्योरेन्सको पनि आज ६० करोड ६९ लाख, हिमालयन डिष्ट्रिलरीको ३५ करोड ४ लाख, शिवम् सिमेन्टको २२ करोड ४२ लाख र युनाइटेड मोदी हाईड्रोको १९ करोड ४९ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएको एउटा कम्पनीको सेयरमूल्यमा मात्रै अपर सर्किट लाग्यो । विकास हाईड्रोको सेयरमूल्य आज १० प्रतिशतले बढ्यो ।
यस्तै मैलुङखोला जलविद्युतको सेयरमूल्य ३.६२ प्रतिशत, थ्रिस्टार हाईड्रोपावरको ३.४१ र एनएलजी इन्स्योरेन्सको सेयरमूल्य ३.१९ प्रतिशतले बढ्यो ।
ओरियन्टल होटल आज सर्वाधिक गुमाउने कम्पनीको रुपमा रह्यो । यो कम्पनीका लगानीकर्ताले आज ४.७१ प्रतिशत गुमाए ।
यो दिन लुम्बिनी विकास बैंकको सेयरमूल्य ४.१८ प्रतिशत, साङग्रिला डेभलपमेन्ट बैंकको ३.८७ र सिक्लेस हाईड्रोपावरको सेयरमूल्य ३.८० प्रतिशतले घट्यो ।
.png)
(1).png)
(237).jpg)
