(1).gif)
(2).gif)
.jpg)
(1).gif)
.png)
काठमाण्डौ । अमेरिकी सेयर बजार नयाँ उचाईमा पुगेको छ । बिहिबारको कारोबारमा अमेरिकी सेयर बजार मापक इन्डेक्स डाउ जोन्स इन्डष्ट्रियल एभरेज र एस एण्ड पी ५०० इन्डेक्स नयाँ उचाईमा बन्द भएका हुन् ।
एस एण्ड पी५०० इन्डेक्स ०.३२ प्रतिशतले बढेर ६५०१ विन्दुमा पुगेको छ । एस एण्ड पी५०० मा सूचीकृत ११ वटा सेक्टरमध्ये ७ वटा बढे । यो दिन कम्युनिकेशन सर्भिसेस सेक्टर सबैभन्दा धेरै बढ्यो । यो सेक्टर ०.९४ प्रतिशतले बढ्यो भने इनर्जी सेक्टर पनि ०.६८ प्रतिशतले बढ्यो ।
.gif)
.gif)
यस्तै डाउ जोन्स इन्डष्ट्रियल एभरेज पनि ०.१६ प्रतिशतले बढेर ४५,६३६ विन्दुमा पुगेको छ ।
टेक कम्पनीको कारोबार हुने नास्डक कम्पोजिट पनि ०.५ प्रतिशतले बढ्यो र आफ्नो हालसम्मकै उच्च विन्दु पुग्नबाट ८ प्वइन्टले मात्रै पछि पर्यो ।
अमेरिकी दिग्गज टेक कम्पनी एनभिडियाको सेयरमूल्य भने १ प्रतिशतले घटेको छ । कम्पनीको राम्रो वित्तीय विवरण सार्वजनिक भएतापनि सेयरमूल्य भने घट्न पुग्यो ।
तर अन्य मेगा क्याप टेक कम्पनीको सेयरमूल्य भने बढे । चिप निर्माता ब्रोडकमको सेयरमूल्य झण्डै ३ प्रतिशतले बढ्यो भने अल्फाबेटको २ प्रतिशत, एप्पल र अमेजनको समान १ प्रतिशतले बढ्यो । मेटा प्लेटफर्म र टेस्लाको सेयरमूल्य भने १ प्रतिशतले खस्कियो ।
यतिबेला अमेरिकी लगानीकर्ताको नजर छिट्टे सार्वजनिक हुने आर्थिक प्रतिवेदनमाथि छ । उक्त प्रतिवेदनले देखाउने रोजगारीको अवस्था र जीडीपीको तथ्यांकको आधारमा फेडरल रिजर्भले ब्याजदर कटौतीको निर्णय गर्ने भएकाले लगानीकर्ता प्रतिवेदनको प्रतिक्षामा छन् । गत साता फेड अध्यक्षले ब्याजदरमा कटौती गर्नसक्ने संकेत गरेका थिए ।
.png)
.jpg)
.jpg)
.jpg)
.png)
