(1).gif)
(2).gif)
.jpg)
(1).gif)
.png)
काठमाण्डौ । साताको पहिलो कारोबार दिन आज पनि नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक १.१२ प्रतिशत अर्थात ३१.१७ अंकले घटेर २ हजार ७४९.८३ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.९८ प्रतिशतले घटेर ४७२.९८ विन्दुमा झरेको छ । यो दिन नेप्सेमा सूचीकृत मध्ये ३२१ वटा स्क्रिप्टको १ करोड ४८ लाख ५ हजार ५६९ कित्ता सेयर ६ अर्ब ६ करोड १८ लाख रुपैयाँभन्दा बढीको कारोबार भएको छ ।
.gif)
.gif)
आजको बजारबारे अर्थशास्त्री सूर्यनारायण पौडेल भन्छन्, ‘अहिले बजारमा कारोबारीहरु हाबी भएका छन् । जसका कारण पछिल्लो समय छाटो समयमा नाफा बुक गर्नेको संख्या बढेको छ । म्युचुअल फण्ड जस्ता संस्थागत लगानीकर्ताले यो बेला लाभांश बाड्नु पर्ने भएकाले बजारमा थप बिक्री दबाब परेको छ ।’
यससँगै बजारमा केही नकारात्मक समाचार समेत फैलिएका कारण लगानीकर्ताको मनोबल घटेको उनले बताए । यद्यपी राम्रा लाभांश क्षमता भएका कम्पनीहरुमा लगानी गर्नका लागि भने डराउनु नपर्ने उनले सुझाव दिए ।
अर्का बजार जानकार दामोदर गजुरेलले लगानीकर्ता फेस्टिभ मुडमा भएको र चाडो चाडो नाफा बुक गर्ने परिपाटीले गर्दा बजार घट्न पुगेको छ । ‘चाडपर्वको समयमा बजार बढ्दैन भन्ने मानसिकताका कारण पनि बजारमा खासै सुधार आउन सकेको छैन,’ उनले भने ।
यो दिन नेप्सेमा सूचीकृत १३ वटै समूहमा रातो पोतियो । आज अन्य समूह सर्वाधिक अर्थात १.६० प्रतिशतले घट्यो ।
यस्तै बैंकिङ समूह ०.७४ प्रतिशत, विकास बैंक १.५५, फाइनान्स १.१९, होटल १.१८, हाईड्रो १.४२, लगानी १.०३, जीवन बीमा ०.९१, उत्पादन तथा प्रशोधन ०.९९, लघुवित्त १.४४, म्युचुअल फण्ड ०.३५, निर्जीवन बीमा १.१९ र व्यापार समूह ०.०५ प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल पुनर्बीमा कम्पनीको सर्वाधिक सेयर कारोबार भयो । आज यो कम्पनीको ४५ करोड ४६ लाख बढीको सेयर कारोबार भयो ।
यो दिन हिमालयन रि इन्स्योरेन्सको पनि २८ करोड ८८ लाख, हिमालयन डिष्ट्रिलरीको २६ करोड ३३ लाख, नेपाल रिपब्लिक मिडियाको २१ करोड २ लाख र पिपुल्स पावरको १८ करोड ३९ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका कुनैपनि कम्पनीको सेयरमूल्यमा सकारात्मक सर्किट लागेन । आज उन्नती सहकार्य लघुवित्तको सेयरमूल्य सर्वाधिक अर्थात ६.७७ प्रतिशतले बढ्यो ।
आशा लघुवित्तको सेयरमूल्य पनि आज ४.१६ प्रतिशत र समता घरेलु लघुवित्तको सेयरमूल्य २.६४ प्रतिशतले बढ्यो ।
नेपाल रिपब्लिक मिडियाको सेयरमूल्य आज ७.४५ प्रतिशतले घट्यो । छ्याङदी हाईड्रोको सेयरमूल्य पनि आज ७.०७ प्रतिशत, पिपुल्स पावरको ५.४१ र विकास हाईड्रोको सेयरमूल्य ४.६८ प्रतिशतले घट्यो ।
.png)
(2).jpg)
(238).jpg)
.png)
.jpg)
