आईतवार, असार १५,२०८२ 09:38:42
  • आईतवार, असार १५,२०८२ 09:38:43
Global IME Bank Limited

नेप्से परिसूचकमा १०.६२ अंकको गिरावट,‘चैत मसान्तको प्रभाव र नाफा बुकिङका कारण घट्यो बजार’

Hyundai Nepal
नेप्से परिसूचकमा १०.६२ अंकको गिरावट,‘चैत मसान्तको प्रभाव र नाफा बुकिङका कारण घट्यो बजार’
Nabil Bank Limited

काठमाण्डौ । साताको पहिलो कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक १०.६२ अंक अर्थात ०.५१ प्रतिशतले घटेर २०७०.२५ विन्दुमा पुगेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि ०.४२ प्रतिशतले घटेर ३६८.२५ विन्दुमा पुगेको छ । यो दिन नेप्सेमा सूचीकृत मध्ये ३०४ वटा कम्पनीको ८४ लाख ६ हजार ७६ कित्ता सेयर ३ अर्ब ३८ करोड ७९ लाख रुपैयाँभन्दा बढीको कारोबार भएको  छ ।

आजको बजारबारे बजार जानकार महेश रिजाल भन्छन्, ‘आज बजार घट्नुमा चैत मसान्तको प्रभाव र नाफा बुकिङ दुवै कारण हो । प्राविधिक रुपमा पनि बजार २०६० सम्म ग्याप फिल गर्न आउन सक्ने देखिन्छ । सरकारको सकारात्मक पहलका कारण ठूलो अंकले बजार घटेको छैन ।’

अर्का बजार जानकार सुमन कुमार रिजाल पनि आजको गिरावटलाई स्वभाविक करेक्सन भएको बताउँछन् । ‘यसलाई खरिदको अवसरका रुपमा लिन सकिन्छ । एक दुई दिनमा बजार सम्हालिने र २०६० मा बलियो सर्पोट रहेको देखिन्छ ।’ रिजाल भन्छन् ।

यो दिन नेप्सेमा सूचीकृत १३ वटा समूहमध्ये ३ वटा उपसूचक मात्रै हरियाली छायो भने अन्य सबै समूहमा गिरावट आएको छ । आज विकास बैंक समूह ०.८२, वित्त ०.६२ र उत्पादन तथा प्रशोधन समूह ०.२९ प्रतिशतले वृद्धि भएका छन् ।  

CG Motors
Muktinath Bikas Bank Limited

यो दिन होटल समूहमा सबैभन्दा धेरै गिरावट देखिएको छ । होटल समूह १.५६ प्रतिशतले घटेको आज बैंकिङ समूह ०.६२, हाईड्रो १.१६, लगानी ०.५९,जीवन बीमा ०.१९,लघुवित्त ०.०३,म्युचुअल फण्ड ०.४०,निर्जीवन बीमा ०.२२, अन्य १.०६ र व्यापार समूह ०.४३ प्रतिशतले घटे ।    

धेरै कारोबार गर्ने कम्पनीहरु

आज शिवम् सिमेन्टको सर्वाधिक सेयर कारोबार भएको छ । यो कम्पनीको आज ४१ करोड ६४ लाख बढीको सेयर कारोबार भएको छ ।  

त्यस्तै सोनापुर मिनरल्सको २३ करोड ७ लाख,अपर तामाकोशीको १३ करोड ७८ लाख र घोराही सिमेन्टको ११ करोड २६ लाख बढीको सेयर कारोबार भएको छ ।  

धरै कमाउने र गुमाउने कम्पनीहरु

आज सप्तकोशी डेभलपमेन्ट बैंकको सेयरमूल्य सर्वाधिक अर्थात १० प्रतिशतले वृद्धि भएको छ । यो दिन गुराँस लघुवित्तको सेयरमूल्य ९.५६,मानुषी लघुवित्तको ८.७५ र स्वाभिमान लघुवित्तको सेयरमूल्य ७.४३ प्रतिशतले बढेको छ ।  

आज विन नेपाल लघुवित्तको सेयरमूल्यमा सर्वाधिक गिरावट आएको छ । संस्थाको सेयरमूल्य ७.८३ प्रतिशतले घटेको छ ।  

यसैगरी किसान लघुवित्तको सेयरमूल्य ५.२०,युनियन हाईड्रोको ४.६३ र दोल्ती पावरको सेयरमूल्य ४.३४ प्रतिशतले घटेको छ ।  

Nepal Investment Mega Bank Limited
Shivam Cement
Bizshala
Shikhar Insurance
Bizshala

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.