.gif)
_(1).gif)
.png)
काठमाण्डौ । दोश्रो बजारमा कारोबारमा आएको पहिलो दिन नै सर्वोत्तम सिमेन्टको सेयरमूल्यमा अपर सर्किट लागेको छ ।
बुक बिल्डिङ विधिबाट आईपीओ निश्कासन गरेको कम्पनीको ६० लाख साधारणसहित कुल ४ करोड ६५ लाख कित्ता सेयर हिजो नेप्सेमा सूचीकृत भएको थियो ।
नेप्सेले पहिलो कारोबारका लागि यो कम्पनीलाई न्यूनतम १८५.३६ देखि ५५६.०८ रुपैयाँसम्मको ओपनिङ रेञ्ज प्रदान गरेको थियो ।
.gif)
आजदेखि कारोबार सुरु भएकोमा बजार खुलेको ८ मिनेटमै कम्पनीको सेयरमूल्यमा अपर सर्किट लागेको हो । योसँगै दोश्रो बजारमा सूचीकृत चारवटा सिमेन्ट उत्पादन गर्ने कम्पनीमध्ये सर्वोत्तमको सेयर सबैभन्दा महंगो सेयर बन्न पुगेको छ ।
दोश्रो बजारमा पहिलो दिन नै अपर सर्किट लागेपछि सर्वोत्तम सिमेन्टको सेयरमूल्य प्रतिकित्ता ६११.६० रुपैयाँ पुगेको छ । यो कम्पनीले सर्वसाधारणलाई ३६०.९० रुपैयाँ प्रतिकित्ताको दरले आईपीओ बिक्री गरेको थियो ।
यसरी हेर्दा आईपीओ खरीद गरेका र चिठ्ठाबाट आईपीओ परेकाहरुको लगानी पहिलो दिन नै झण्डै दोब्बर भएको छ ।
अन्य सिमेन्ट कम्पनी पनि बुलिस मूडमा
सबैभन्दा पछिल्लोपटक कारोबारमा आएको सर्वोत्तम सिमेन्टको सेयर अपर सर्किटसहित सबैभन्दा महंगो भएपछि अन्य सिमेन्ट कम्पनीको सेयरमा पनि बुलिस संकेत देखिएको छ ।
शिवम, सोना र घोराही सिमेन्टको मूल्य केही साताअघिदेखि नै बढिरहेको थियो । आज अझै उच्च अंकले बढ्ने सेन्टिमेन्ट देखिएको छ ।
यो समाचार तयार पार्दासम्म शिवमको मूल्य प्रतिकित्ता ५७३, घोराहीको ५६९ र सोनाको मूल्य ५३० रुपैयाँ रहेको छ ।
कारोबारको पहिलो १५ मिनेटमा सबै सिमेन्ट कम्पनीको सेयरमा उच्च खरीद चाप देखिएको छ ।
.png)
.jpg)
.jpg)
(1).jpg)
.gif)
.gif)
.gif)
