.gif)
(1).gif)
(2).gif)
.gif)
.png)
काठमाण्डौ । सागर डिष्टिलरी लिमिटेडको आइपीओ आइतबार बाँडफाड हुने सम्भावना देखिएको छ । बिक्री प्रबन्धक मुक्तिनाथ क्यापिटल लिमिटेडका अनुसार आजसम्म प्रि–अलटमेन्ट भएमा आइपीओ आइतबार बाँडफाँड हुनेछ ।
साथै, सकेसम्म दशैं अगावै कम्पनीको आइपीओ बाँडफाँड गरिने क्यापिटलले जनाएको छ । कम्पनीको आइपीओमा अन्तिम दिनसम्म २२.२५ गुणा बढी आवेदन परेको छ । सिडिएस एण्ड क्लियरिङ्ग लिमिटेडका अनुसार अन्तिम दिनसम्म कम्पनीको आइपीओमा २३ लाख ५२ हजार ४९३ जनाको आवेदन परेको छ ।
(1).gif)
कम्पनीको आइपीओमा २ अर्ब ६५ करोड एक लाख १५ हजार रुपैयाँ बराबरको २ करोड ६५ लाख १ हजार १५० कित्ताका लागि आवेदन परेको छ, जुन यो मागभन्दा २२ गुणा बढी आवेदन हो ।
कम्पनीले गत भदौ ३० गतेदेखि आम सर्वसाधारणका लागि ११ करोड ९० लाख ६४ हजार रुपैयाँ बराबरको रु.१०० अंकित दरका ११ लाख ९० हजार ६४० कित्ता सेयर जारी गरेको हो ।
मागभन्दा बढी आवेदन परेकाले आइपीओ गोलाप्रथाद्वारा बाँडफाँड हुनेछ । १० कित्ताका दरले सेयर बाँडफाँड गर्दा १ लाख १९ हजार ६४ जनाले सेयर प्राप्त गर्नेछन् । यसर्थमा २२ लाख भन्दा बढी आवेदकको हात खाली हुने निश्चित देखिएको छ ।
(2).gif)
.png)
.gif)
.jpg)
.jpg)
.jpg)
