नेप्सेमा दुई कम्पनीको आइपीओ सूचीकृत, कुनले कति पायो ओपनिङ रेञ्ज ?

काठमाण्डौ । नेपाल स्टक एक्सचेञ्ज (नेप्से)मा दुई कम्पनीको आइपीओ सूचीकृत भएको छ । स्वस्तिक लघुवित्त र बन्दीपुर केबलकार एण्ड टुरिजम लिमिटेडको आइपीओ सूचीकृत भएको हो । स्वस्तिक लघुवित्तको आइपीओ ‘स्वस्तिक’ र बन्दीपुर केबलकारको आइपीओ ‘बन्दीपुर’ सिम्बोलबाट सूचीकृत भएको छ ।

स्वस्तिक लघुवित्तको अंकित मूल्य १०० रुपैयाँ दरको कुल ५ लाख ७७ हजार ५०० कित्ता र बन्दीपुर केबलकारको अंकित मूल्य १०० रुपैयाँ दरको कुल २ करोड ८३ लाख कित्ता सेयर सूचीकृत भएको हो । 

नेप्सेले स्वस्तिक लघुवित्तको सेयरलाई पहिलो कारोबारको लागि १७१.७८ रुपैयाँदेखि ५१५.३४ रुपैयाँसम्म र बन्दीपुर केबलकारको सेयरलाई पहिलो कारोबारको लागि ९५.२४ रुपैयाँदेखि २८५.७२ रुपैयाँसम्म ओपनिङ रेञ्ज दिएको छ । यी दुबै कम्पनीको सेयर भोलिदेखि नै दोस्रो बजारमा कारोबारमा आउनेछ ।