७ बीमा कम्पनीको मात्रै सेयरभाउ बढ्यो, सर्वाधिक गुमाउनेमा नेपाल माइक्रो इन्स्योरेन्स

काठमाण्डौ । साताको अन्तिम कारोबार दिन सेयरबजारमा झिनो अंकको बृद्धि भएको छ । नेप्से परिसूचक ०.३१ अंकले बढेर २५४४.९१ विन्दुमा कायम भएको छ । नेप्सेमा सूचीकृत ३२९ कम्पनीको ७६ लाख ५ हजार ५८४ कित्ता सेयर किनबचे हुँदा ३ अर्ब ४९ करोड रुपैयाँमाथिको सेयर कारोबार भएको छ ।

आज बीमा समूहका दुईवटै उपसूचक घटेको छ । जीवन बीमा समूह ०.१९ प्रतिशत र निर्जीवन बीमा समूह ०.२७ प्रतिशतले घटेको छ । आज ७ बीमा कम्पनीको मात्रै सेयरभाउ बढेको छ । सर्वाधिक कमाउनेमा आरबीसीएल रहेको छ । कम्पनीको सेयरभाउ १.९७ प्रतिशतले बढेर १४ हजार ९९० रुपैयाँ पुगेको छ । 

त्यस्तै, सिद्धार्थ प्रिमियरको ०.४६ प्रतिशत, क्रेष्ट माइक्रो लाइफको १.९३ प्रतिशत, हिमालयन लाइफको ०.३२ प्रतिशत, नेपाल लाइफको ०.३८ प्रतिशत, रिलायबल नेपाल लाइफको १.५२ प्रतिशत र सानिमा रिलायन्स लाइफको ०.४९ प्रतिशलते बढेको छ । आज सर्वाधिक गुमाउने बीमा कम्पनीमा भने नेपाल माइक्रो इन्स्योरेन्स रहेको छ । कम्पनीको सेयरभाउ ४.८२ प्रतिशतले घटेर १२६४ रुपैयाँ कायम भएको छ । 

त्यस्तै, हिमालयन एभरेष्टको १.४४ प्रतिशत, आइजीआई प्रुडेन्सियलको ०.७३ प्रतिशत, नेपाल इन्स्योरेन्सको ०.५३ प्रतिशत, नेको इन्स्योरेन्सको ०.७६ प्रतिशत, एनएलजीको ०.५७ प्रतिशत, प्रभु इन्स्योरेन्सको ०.३१ प्रतिशत, सलिकोको ०.८२ प्रतिशत, सानिमा जिआइसीको ०.२२ प्रतिशत, शिखरको श०.५५ प्रतिशत र युनाइटेड अजोडको ०.८९ प्रतिशतले घटेको छ । 

यसका साथै एशियन लाइफको १.६८ प्रतिशत, सिटिजन लाइफको १.०८ प्रतिशत, गार्डियन माइक्रो लाइफको ०.८१ प्रतिशत, एलआइसी नेपालको ०.४७ प्रतिशत, नेशनल लाइफको १.२४ प्रतिशत, प्रभु महालक्ष्मी लाइफको ०.६२ प्रतिशत, सूर्यज्योति लाइफको ०.१४ प्रतिशत, सन नेपाल लाइफको ०.९१ प्रतिशत, हिमालयन रि को ०.०५ प्रतिशत र नेपाल रि को ०.६१ प्रतिशतले सेयरभाउ घटेको छ ।