.gif)
_(1).gif)
.png)
.png)
काठमाण्डौ । साताको तेस्रो कारोबार दिन आज नेपाल स्टक एक्सचेञ्च(नेप्से) मा झिनो अंकको गिरावट आएको छ । आज नेप्से परिसूचक ०.०९ प्रतिशत अर्थात १.८५ अंकले घटेर २०१०.२१ विन्दुमा सीमित भएको छ ।
यो दिन बलिया र राम्रा कम्पनीको मापक सेन्सेटिभ इन्डेक्स भने ०.१५ प्रतिशतले बढेर ३५६.२० विन्दुमा पुगेको छ । यो दिन नेप्सेमा सूचीकृत मध्ये ३१२ वटा कम्पनीको ६१ लाख ३१ हजार ६२१ कित्ता सेयर २ अर्ब २९ करोड १६ लाख रुपैयाँभन्दा बढीको कारोबार भएको छ ।
आजको बजारबारे अर्थशास्त्री सूर्यनारायण पौडेल भन्छन्, ‘नयाँ अर्थमन्त्री आएपनि बजारको सुधारका लागि केहि पनि भएको छैन । नीतिमा सुधार नहुँदा लगानीकर्ता कर्जाको लिमिट बनाएर पर्ख र हेरको अवस्थामा बसेका छन् । त्यसैले बजारले २ हजारमा सपोर्ट लिनसक्छ । यहाँबाट तल गएमा भने बजार १९६० सम्म पनि आउनसक्ने देखिन्छ ।’
यद्यपी लगानीकर्ता गुड न्यूजको प्रतिक्षामा रहेको उनी बताउँछन् ।
नेपाल इन्भेष्टर फोरमका उपाध्यक्ष राजन लम्सालको विचारमा पनि सरकारले गर्न सक्ने काम पनि नगर्दा बजार बढ्न नसकेको हो । ‘अहिले बजार घट्नुमा चैत मसान्तको प्रभाव पनि हो । यो साताबाट यसको दबाब सकिएपछि आगामी साताबाट बजार सम्हालिने छ ।’
बजारले लय लिनलाई भने नीतिमै परिवर्तन हुनुपर्ने लम्सालको धारणा छ ।
(1).gif)
यो दिन नेप्सेमा सूचीकृत १३ वटा समूहमध्ये ६ वटा समूहमा हरियाली छायो भने ७ वटा समूहमा भने रातो पोतियो । आज लघुवित्त समूह सबैभन्दा धेरै अर्थात १.८९ प्रतिशतले बढ्यो । यो दिन वित्त समूह ०.०३, लगानी ०.०४,जीवन बीमा ०.१९ र म्युचुअल फण्ड ०.३० प्रतिशतले बढ्यो ।
बैंकिङ समूह ०.१८ प्रतिशतले घटेको आज विकास बैंक ०.१६, होटल ०.५७, हाईड्रो ०.७९,उत्पादन तथा प्रशोधन ०.३३,निर्जीवन बीमा ०.१७ र अन्य समूह ०.५७ प्रतिशतले घट्यो ।
धेरै कारोबार गर्ने कम्पनीहरु
यो दिन गोर्खाज फाइनान्सको सर्वाधिक सेयर कारोबार भएको छ । गोर्खाज फाइनान्सको आज १४ करोड ९६ लाख बढीको सेयर कारोबार भएको छ । सर्वोत्तम सिमेन्टको ९ करोड ५७ लाख,तारागाँउ रिजेन्सीको ७ करोड ४७ लाख र सूर्यज्योति लाइफको ५ करोड ५४ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज गुँरास लघुवित्त र गणपति लघुवित्तको सेयरमूल्यमा सकारात्मक सर्किट लाग्यो । यी कम्पनीहरुको सेयरमूल्य क्रमशः१० र ९.९५ प्रतिशतले बढ्यो ।
यस्तै आज उपकार लघुवित्तको सेयरमूल्य ८.६४ प्रतिशत,विन नेपाल लघुवित्तको ६.९४ र स्वाभिमान लघुवित्तको सेयरमूल्य ६.५० प्रतिशतले बढ्यो ।
आज मनकामना इन्जिनियरिङ हाईड्रोको सेयरमूल्य सर्वाधिक अर्थात ५.२८ प्रतिशतले घट्यो ।
.gif)
.png)
.jpg)
(6).jpg)
(1).jpg)
(1)(1).jpg)
.jpg)
.gif)
.gif)
