.gif)
_(1).gif)
.png)
काठमाण्डौ ।विश्वव्यापी आपूर्ति श्रृंखलाहरूले गम्भीर अवरोधको सामना गरिरहेका बेला संयुक्त सुरक्षा फौजले पुन हवाई आक्रमण तेज बनाएका छन् ।
हुथी विद्रोहीहरूले व्यावसायिक जहाजहरूमा गरेको आक्रमणको परिणामस्वरूप अमेरिका र बेलायतको संयुक्त सुरक्षा फौजले हुथी विद्रोहीको स्थानमा फेरि हवाई आक्रमण सुरु गरेका हुन् ।
.gif)
पेन्टागनले सोमबारको आक्रमणले आठवटा लक्ष्यमा मिसाइल प्रहार गरेको बताएको छ ।
पेन्टानगन स्रोतलाई उद्धृत गर्दै अन्तरराष्ट्रिय मिडियाहरुले मिसाइल प्रहारबाट विद्रोहीको भूमिगत भण्डारणका साथै उनीहरुको मिसाइल र निगरानी क्षमताहरूमा तहसनहस भएको छ ।
इरान समर्थित हुथी विद्रोहीहरूले इजरायल र पश्चिमी देशहरूसँग जोडिएका लाल सागरमा रहेका जहाजहरूलाई गत नोभेम्बरदेखि नै निशाना बनाउँदै आएका छन्।
उता अमेरिका र बेलायतले ‘वस्तुको स्वतन्त्र आवतजावत’लाई जोगाउन प्रयास गरिरहेको बताएका छन्।पेन्टागनले जारी गरेको संयुक्त विज्ञप्तिमा हुथी विद्रोहीहरू विरुद्ध नयाँ चरण सुरु गरिएको उल्लेख छ।
विज्ञप्तिमा भनिएको छ, ‘हाम्रो उद्देश्य तनाव कम गर्नु र लाल सागरमा स्थिरता पुनर्स्थापित गर्नु हो । हुथी नेतृत्वलाई चेतावनी दिन्छौँ कि हामी जीवन बचाउन र उपकरणहरूको स्वतन्त्र आवतजावतको सुरक्षा गर्न हिचकिचाउँदैनौं। निरन्तर धम्कीको बाबजुद, हामी यस महत्त्वपूर्ण जलमार्गमा जीवन र व्यापारको स्वतन्त्र प्रवाहको रक्षा गर्नेछौं।’
बेलायत र अमेरिकाबीचको दोस्रो संयुक्त अभियानमा यमनमा यो हुथी विद्रोहीमाथि आठौं हवाई हमला हो । जनवरी ११ मा दुवै देशले पहिलो पटक हमला सुरु गरेका थिए । यस हवाई आक्रमणलाई अस्ट्रेलिया, बहराइन, क्यानडा र नेदरल्याण्डले समर्थन गरेका छन् ।
विश्वका ठूला शिपिंग कम्पनीहरूले लाल सागरबाट टाढाको यात्राको कारण लागत बढ्ने चेतावनी दिंदै आएका छन् । -एजेन्सी
.png)
.jpg)
.jpg)
.png)
.gif)
.gif)
.gif)
