(2).gif)
.png)
काठमाण्डौ । सिटि होटल लिमिटेडले पौने १४ करोड रुपैयाँ घाटा ब्यहोरेको छ । चालु आवको तेस्रो त्रैमाससम्म कम्पनीले १३ करोड ८७ लाख ४६ हजार रुपैयाँ घाटा ब्यहोरेको हो ।
कम्पनीले गत आवको तुलनामा भने घाटा कम गरेको छ । गत आवको तेस्रो त्रैमाससम्म कम्पनीले १७ करोड ३८ लाख ३ हजार रुपैयाँ घाटा ब्यहोरेको थियो ।
सो अवधिसम्म कम्पनीको आम्दानीमा सामान्य सुधार देखिदा कम्पनीले घाटा कम गरेको हो । तेस्रो त्रैमाससम्म कम्पनीको कुल आम्दानी ०.१७ प्रतिशलते बढेर ३७ करोड ६० लाख रुपैयाँ पुगेको छ । गत आवको सोही अवधिसम्म कम्पनीको यस्तो आम्दानी ३७ करोड ५४ लाख रुपैयाँ थियो ।
कम्पनीको खर्च पनि सामान्य बढेको छ । गत आवको तेस्रो त्रैमाससम्म २८ करोड २६ लाख रुपैयाँ खर्च गरेको यस कम्पनीले चालु आवको सो अवधिसम्म आइपुग्दा २९ करोड ३४ लाख रुपैयाँ खर्च गरेको छ । यसर्थमा कम्पनीको कुल खर्च गत आवको तुलनामा ३.८१ प्रतिशत वृद्धि भएको छ ।
सो अवधिसम्म कम्पनीको इपीएस ४.६० रुपैयाँ ऋणात्मक रहेको छ भने प्रतिसेयर नेटवर्थ ९७.२८ रुपैयाँ, चालु अनुपात २.३६ गुणा, प्राइस अर्निङ रेसियो १०२.८१ गुणा ऋणात्मक र प्रतिसेयर कुल सम्पत्तिको मूल्य १८७.१३ रुपैयाँ रहेको छ ।
.png)
.png)
