.gif)
_(1).gif)
.jpg)
.png)
काठमाण्डौ । साताको तेस्रो कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक ०.७३ प्रतिशत अर्थात १४.८१ अंकले घटेर १९९१.७१ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.६३ प्रतिशतले घटेर ३५३.५१ विन्दुमा पुगेको छ । यो दिन नेप्सेमा सूचीकृत मध्ये ३१२ वटा कम्पनीको ५४ लाख ७१ हजार ६८ कित्ता सेयर २ अर्ब १० करोड ३० लाख रुपैयाँभन्दा बढीको कारोबार भएको छ ।
आजको बजारबारे बजार जानकार दामोदर गजुरेल भन्छन्, ‘हालै मात्रै धितोपत्र ऐन संशोधन भएको छ । जसमा इ्रन्साइटर ट्रेडिङमा संलग्नमाथि प्रहरीले समेत अनुसन्धान गर्न सक्ने विषयले लगानीकर्ता डराएका छन् । नयाँ अर्थमन्त्रीले पनि बाचा गरे अनुरुप काम गर्न सकेनन् । गृहमन्त्री सहकारी घोटाला प्रकरणमा मुछिएकाले गठबन्धन टिक्ने÷नटिक्ने भन्ने विषय रहिरह्यो ।’
वित्तीय क्षेत्र अस्थिर रहँदा संस्थापक लगानीकर्ता र उद्योग व्यवसायी पलायन हुने अवस्था सिर्जना भएको र मौद्रिक नीतिको समीक्षामा समेत कुनै परिवर्तन नहुने देखिएकाले बजारमा गिरावट आएको गजुरेल बताउँछन् । यद्यपी बजार प्राविधिक रुपमा भने १९३२ को विन्दुबाट तल नजाने उनले दाबी गरे ।
नेपाल इन्भेष्टर्स फोरमका उपाध्यष राजन लम्सालले पनि धितोपत्र सम्बन्ध्री विषय प्रहरीले छानविन गर्ने व्यवस्थाले लगानीकर्ताको मनोबल खस्किएको बताए । पछिल्लो समय धितोपत्र बोर्डको अध्यक्षको छनौट प्रक्रिया रोकिनु र अर्थमन्त्रीले समेत मौनता साध्नुले लगानीकर्तामा आत्मविश्वासको कमी आएको लम्सालले बताए ।
(1).gif)
यो दिन नेप्सेमा सूचीकृत १३ वटै समूहमा रातो पोतिएको छ । बैंकिङ समूह ०.४१ प्रतिशतले घटेको आज विकास बैंक ०.१९,वित्त ०.४८,होटल ०.२८,हाईड्रो १.३१,लगानी ०.६०,जीवन बीमा ०.५४,उत्पादन तथा प्रशोधन ०.५८,लघुवित्त १.१६,म्युचुअल फण्ड ०.०१,निर्जीवन बीमा ०.७५ र अन्य समूह १.०७ प्रतिशतले घटेको छ ।
धेरै कारोबार गर्ने कम्पनीहरु
यो दिन पनि गोर्खाज फाइनान्सको सर्वाधिक सेयर कारोबार भएको छ । आज यो कम्पनीको १७ करोड ५९ लाख बढीको सेयर कारोबार भएको छ ।
यस्तै सूर्यज्योति लाइफको ७ करोड ४३ लाख,पोखरा फाइनान्स ६ करोड ६८ लाख,सर्वोत्तम सिमेन्टको ४ करोड ५९ लाख र शिवम् सिमेन्टको ४ करोड ४७ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज गोर्खाज फाइनान्सको सेयरमूल्यमा मात्रै सकारात्मक सर्किट लाग्यो । यो कम्पनीको सेयरमूल्य ९.९६ प्रतिशतले बढ्यो । यो दिन ग्रिन डेभलपमेन्ट बैंकको सेयरमूल्य ५.०२ र दिव्यश्वरी हाईड्रोको सेयरमूल्य ४.०४ प्रतिशतले बढ्यो ।
आज रुरु जलविद्युत कम्पनीको सेयरमूल्य सर्वाधिक अर्थात १० प्रतिशतले घट्यो । यो दिन पोखरा फाइनान्सको सेयरमूल्य ६.७४ प्रतिशत,सिवाईसी नेपाल लघुवित्तको ६.५०,दोल्ती पावरको ५.६० र जनउत्थान सामुदायिक लघुवित्तको सेयरमूल्य ५.०६ प्रतिशतले घट्यो ।
.gif)
.png)
(1).jpg)
(1)(1).jpg)
.jpg)
.jpg)
.jpg)
.gif)
.gif)
