अन्तिम दिन बढेर बन्द भयो सेयरबजार, कारोबार रकममा सुधार

काठमाण्डौ । साताको अन्तिम कारोबार दिन सेयरबजार दोहोरो अंकले बढेको छ । आज नेपाल स्टक एक्सचेञ्ज (नेप्से)परिसूचक ०.५९ प्रतिशत अर्थात १६.३८ अंकले बढेर २ हजार ७५८.४९ विन्दुमा पुगेको छ। यससँगै बलिया तथा ठूला कम्पनीहरूको मापक सेन्सेटिभ इन्डेक्स पनि ०.५१ प्रतिशतले बढेर ४७१.८९ विन्दुमा पुगेको छ।

आज नेप्सेमा सूचीकृत ३३६ वटा स्क्रिप्टका १ करोड ८ लाख ८८ हजार ७३९ कित्ता सेयर किनबेच हुँदा कुल कारोबार रकम ४ अर्ब ४९ करोड ८५ लाख बढीको सेयर कारोबार भएको छ । अघिल्लो दिन भने ३ अर्ब ८९ करोड ८४ लाख बढीको सेयर कारोबार भएको थियो ।

कुन समूहमा भयो कतिको थपघट ?

आज कारोबारमा आएका १३ वटै समूहमध्ये एउटा बाहेक अन्य सबै समूहमा हरियाली छायो । आज हाईड्रो समूह सर्वाधिक अर्थात १.२९ प्रतिशतले बढ्यो । यस्तै बैंकिङ समूह ०.६१ प्रतिशत, विकास बैंक ०.३९, फाइनान्स ०.२८, होटल ०.७५, लगानी ०.४३, जीवन बीमा ०.३४, उत्पादन तथा प्रशोधन ०.९५, लघुवित्त ०.१९, म्युचुअल फण्ड ०.०९, निर्जीवन बीमा ०.२८ र अन्य समूह ०.२७ प्रतिशतले बढ्यो ।

आज व्यापार समूह मात्रै घट्यो । यो समूह ०.४२ प्रतिशतले घट्यो ।  

सर्वाधिक कारोबार हुने कम्पनी

आज आँखुखोला जलविद्युतको सर्वाधिक अर्थात ४३ करोड ९५ लाख बढीको सेयर कारोबार भयो । यस्तै रिडी पावरको २४ करोड ५४ लाख, नेशनल हाईड्रोपावरको १६ करोड १६ लाख, अपि पावरको १६ करोड १ लाख र बुङ्गल हाईड्रोको १० करोड ४६ लाख बढीको सेयर कारोबार भयो ।

सर्वाधिक कमाउने र गुमाउने कम्पनी

आज कारोबारमा आएका कम्पनीहरुमध्ये एउटा मात्रै कम्पनीको सेयरमूल्यमा अपर सर्किट लाग्यो । आज क्रेष्ट माइक्रो लाइफको सेयरमूल्य १४.८१ प्रतिशतले बढ्दै अपर सर्किट लाग्यो । यस्तै आज माबिलुङ इनर्जीको सेयरमूल्य ९.३५ प्रतिशत, बुङ्गल हाईड्रोको ७.२४, आँखुखोला जलविद्युतको ७.२० र सुपरखुदी हाईड्रोको सेयरमूल्य ६.७४ प्रतिशतले बढ्यो ।  

यो दिन एनआईसी एशिया ब्यालेन्स्ड फण्डको मूल्य सर्वाधिक अर्थात २.५९ प्रतिशतले घट्यो ।