१० बीमा कम्पनीको सेयरभाउ बढ्यो, सर्वाधिक गुमाउनेमा नेपाल माइक्रो इन्स्योरेन्स

काठमाण्डौ । साताको अन्तिम कारोबार दिन सेयरबजारमा सामान्य गिरावट आएको छ । नेप्से परिसूचक ४ अंकले घटेर २७२४ विन्दुमा कायम भएको छ ।  

नेप्सेमा सूचीकृत ३४२ कम्पनीको ९८ लाख ५६ हजार ५२५ कित्ता सेयर किनबेच हुँदा ४ अर्ब ३४ करोड रुपैयाँमाथिको सेयर कारोबार भएको छ ।  

आज बीमा समूहका दुई उपसूचकमध्ये जीवन बीमा समूह ०.१९ प्रतिशतले घटेको छ भने निर्जीवन बीमा समूह भने ०.३३ प्रतिशतले बढेको छ ।  

आज १० बीमा कम्पनीको सेयरभाउ बढेको छ । सर्वाधिक कमाउनेमा युनाइटेड अजोड इन्स्योरेन्स रहेको छ । कम्पनीको सेयरभाउ २.०८ प्रतिशतले बढेर ४९० रुपैया ९० पैसा पुगेको छ ।  

त्यस्तै, हिमालयन एभरेष्टको १.३४ प्रतिशत, आइजीआई प्रुडेन्सियलको ०.३९ प्रतिशत, प्रभु इन्स्योरेन्सको १ प्रतिशत, आरबीसीएलको ०.९४ प्रतिशत, शिखरको ०.४८ प्रतिशत, एशियन लाइफको ०.४४ प्रतिशत, सिटिजन लाइफको ०.१८ प्रतिशत, आइएमई लाइफको ०.०५ प्रतिशत र नेपाल रि को ०.३८ प्रतिशतले बढेको छ ।  

सर्वाधिक गुमाउनेमा भने नेपाल माइक्रो इन्स्योरेन्स रहेको छ । कम्पनीको सेयरभाउ १.२४ प्रतिशतले घटेर १०३८ रुपैयाँ कायम भएको छ ।  

त्यस्तै, नेपाल इन्स्योरेन्सको ०.११ प्रतिशत, नेको इन्स्योरेन्सको ०.४४ प्रतिशत, एनएलजीको ०.१३ प्रतिशत, सलिकोको ०.१६ प्रतिशत, सानिमा जिआइसीको ०.६३ प्रतिशत र हिमालयन रि को ०.२८ प्रतिशतले घटेको छ ।  

यसका साथै क्रेष्ट माइक्रो लाइफको ०.५४ प्रतिशत, गार्डियन माइक्रो लाइफको ०.१६ प्रतिशत, हिमालयन लाइफको ०.२९ प्रतिशत, एलआइसी नेपालको ०.१८ प्रतिशत, नेपाल लाइफको ०.०७ प्रतिशत, नेशनल लाइफको ०.१५ प्रतिशत, प्रभु महालक्ष्मी लाइफको ०.५३ प्रतिशत, रिलायबल नेपाल लाइफको ०.१३ प्रतिशत, सूर्यज्योति लाइफको ०.४६ प्रतिशत, सन नेपाल लाइफको ०.६२ प्रतिशत र सानिमा रिलायन्स लाइफको ०.७६ प्रतिशतले घटेको छ ।