५ बीमा कम्पनीको मात्रै सेयरभाउ बढ्यो, सर्वाधिक गुमाउनेमा नेपाल रि इन्स्योरेन्स

काठमाण्डौ । सोमबार सेयरबजारमा दोहोरो अंकको गिरावट आएको छ । नेप्से परिसूचक १२.२६ अंकले घटेर २७११.७६ विन्दुमा कायम भएको छ ।  

नेप्सेमा सूचीकृत ३५० कम्पनीको १ करोड ७ लाख ३९ हजार ९९८ कित्ता सेयर किनबेच हुँदा ४ अर्ब ४१ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक घटेको छ । जीवन बीमा समूह ०.२९ प्रतिशत र निर्जीवन बीमा समूह ०.९१ प्रतिशतले घटेको छ ।  

आज ५ बीमा कम्पनीको मात्रै सेयरभाउ बढेको छ । सर्वाधिक कमाउनेमा एलआइसी नेपाल रहेको छ । कम्पनीको सेयरभा ०.२५ प्रतिशतले बढेर ८१२.५० रुपैयाँ पुगेको छ ।  

त्यस्तै, आइएमई लाइफको ०.०२ प्रतिशत, सन नेपाल लाइफको ०.१८ प्रतिशत, नेको इन्स्योरेन्सको ०.१२ प्रतिशत र सिद्धार्थ प्रिमियर इन्स्योरेन्सको ०.२३ प्रतिशतले बढेको छ ।  

सर्वाधिक गुमाउनेमा भने नेपाल पुनर्बीमा कम्पनी रहेको छ । यो कम्पनीको सेयरभाउ ४.१३ प्रतिशतले घटेर ९९९ रुपैयाँ कायम भएको छ ।  

त्यस्तै, हिमालयन रि को ०.६१ प्रतिशत, हिमालयन एभरेष्टको १.०५ प्रतिशत, आइजीआई प्रुडेन्सियलको ०.८३ प्रतिशत, नेपाल इन्स्योरेन्सको १.२७ प्रतिशत, एनएलजीको १.७३ प्रतिशत, नेपाल माइक्रो इन्स्योरेन्सको १.२५ प्रतिशत, आरबीसीएलको १.६२ प्रतिशत, सलिकोको १.२८ प्रतिशत, सानिमा जिआइसीको ०.८६ प्रतिशत, युनाइटेड अजोडको २.२२ प्रतिशतले घटेको छ ।

 यसका साथै एशियन लाइफको ०.६६ प्रतिशत, सिटिजन लाइफको ०.८८ प्रतिशत, क्रेष्ट माइक्रो लाइफको १.४२ प्रतिशत, गार्डियन माइक्रो लाइफको ०.४८ प्रतिशत, हिमालयन लाइफको ०.५९ प्रतिशत, नेपाल लाइफको ०.०१ प्रतिशत, नेशनल लाइफको ०.०३ प्रतिशत, प्रभु महालक्ष्मी लाइफको ०.५२ प्रतिशत, रिलायबल नेपाल लाइफको ०.३४ प्रतिशत, सूर्यज्योति लाइफको ०.४६ प्रतिशत र सानिमा रिलायन्स लाइफको ०.३६ प्रतिशतले घटेको छ ।