.gif)
_(1).gif)
.png)
काठमाण्डौ । भारतीय धनाढ्य तथा रिलायन्स इन्डस्ट्रिजका अध्यक्ष मुकेश अम्बानी १०० अर्ब डलर क्लबबाट बाहिरिएका छन् । मंगलबार उनको कम्पनीको सेयरमूल्यमा गिरावट आएसँगै अम्बानी १०० अर्ब डलर क्लबबाट बाहिरिएका हुन् ।
कम्पनीको सेयरमूल्यमा आएको गिरावटका कारण अम्बानीको सम्पत्ति २.२४ अर्ब डलरले घटेको छ । यो गिरावटसँगै उनको कुल सम्पत्ति ९९.१ अर्ब डलरमा झरेको छ ।
यो वर्ष अम्बानीको नेटवर्थमा २.७८ अर्ब डलर थपिएको छ । उनी हाल विश्वको धनाढ्यको सूचीमा १२ औं स्थानमा छन् ।
यसबीचमा मंगलबार भारतका अर्का धनाढ्य गौतम अडानीको सम्पत्तिमा पनि ३.३८ अर्ब डलरको गिरावट आएको छ । यस वर्ष अडानीको सम्पत्तिमा ६.५२ अर्ब डलरको गिरावट आईसकेको छ ।
उनी ९०.८ अर्ब डलरका साथ विश्वको धनाढ्यको सूचीमा १४ औं स्थानमा छन् ।
यो वर्ष सम्पत्ति आर्जन गर्नेमा भने फेसबुकका संस्थापक मार्क जुकरबर्ग सबैभन्दा अघि देखिएका छन् । यो वर्ष उनको सम्पत्ति ११ अर्ब डलरले बढीसकेको छ । उनी विश्वको धनाढ्यको सूचीमा ५ औँ स्थानमा छन् । हाल उनको कुल सम्पत्तिको मूल्य १३९ अर्ब डलर छ ।
गत वर्ष जुकरबर्गको सम्पत्ति ७२ अर्ब डलरले वृद्धि भएको थियो ।
विश्वमा सबैभन्दा कम उमेरमा धनाढ्य बनेका जुकरबर्गको मेटा प्लेटफर्ममा १३ प्रतिशत स्वामित्व छ ।
यस वर्ष विश्वका शीर्ष १० अर्बपतिमध्ये २ जनाको सम्पत्तिमा मात्रै गिरावट आएको छ । फ्रान्सका व्यापारी बर्नाड आरनल्डले सबैभन्दा धेरै अर्थात १७.६ अर्ब डलर गुमाएका छन् । उनी १६२ अर्ब डलरका साथ विश्वको धनाढ्याको सूचीमा तेस्रो स्थामा छन् ।
त्यस्तै यो वर्ष सम्पत्ति गुमाउने शीर्ष १० धनाढ्यमा एलन मस्क छन् । यो वर्ष उनले १२ अर्ब डलर गुमाईसकेका छन् । धनाढ्यको सूचीमा दोस्रो स्थानमा रहेका जेफ बेजोसको सम्पत्ति भने ४.०८ अर्ब डलरले बढेको छ । -एजेन्सी
.gif)
.png)
.png)
.png)
.jpg)
.gif)
.gif)
.gif)
