७ बीमा कम्पनीको मात्रै सेयरभाउ बढ्यो, सर्वाधिक गुमाउनेमा क्रेष्ट माइक्रो लाइफ

काठमाण्डौ । बिहिबार सेयरबजारमा ८.५० अंकको गिरावट आएको छ । नेप्से इन्डेक्स २६५१.५२ विन्दुमा कायम भएको छ । नेप्सेमा सूचीकृत ३३८ कम्पनीको ६४ लाख ८० हजार ५९९ कित्ता सेयर किनबेच हुँदा २ अर्ब ८३ करोड रुपैयाँमाथिको सेयर कारोबार भएको छ । 

आज बीमा समूहका दुईवटै उपसूचक घटेको छ । जीवन बीमा समूह ०.२२ प्रतिशत र निर्जीवन बीमा समूह ०.४० प्रतिशतले घटेको छ । आज ७ कम्पनीको सेयरभाउ बढेको छ । सर्वाधिक कमाउनेमा आइजीआई प्रुडेन्सियल इन्स्योरेन्स रहेको छ । कम्पनीको सेयरभाउ ०.६७ प्रतिशतले बढेर ४३८.९० रुपैयाँ पुगेको छ । 

त्यस्तै, प्रभु इन्स्योरेन्सको ०.२९ प्रतिशत, आरबीसीएलको ०.२१ प्रतिशत, एशियन लाइफको ०.६६ प्रतिशत, सिटिजन लाइफको ०.११ प्रतिशत, हिमालयन लाइफको ०.४६ प्रतिशत र नेपाल लाइफको ०.०१ प्रतिशतले बढेको छ । सर्वाधिक गुमाउनेमा भने क्रेष्ट माइक्रो लाइफ रहेको छ । कम्पनीको सेयरभाउ ३.६४ प्रतिशतले घटेर ११६४ रुपैयाँ कायम भएको छ । 

त्यस्तै, गार्डियन माइक्रो लाइफको ०.५१ प्रतिशत, आइएमई लाइफको ०.२१ प्रतिशत, एलआइसी नेपालको ०.०१ प्रतिशत, नेशनल लाइफको १.२० प्रतिशत, प्रभु महालक्ष्मी लाइफको ०.३९ प्रतिशत, रिलायबल नेपाल लाइफको ०.६२ प्रतिशत, सन नेपाल लाइफको ०.१८ प्रतिशत, सानिमा रिलायन्स लाइफको ०.२९ प्रतिशतले घटेको छ । 

यसका साथै हिमालयन एभरेष्टको ०.९२ प्रतिशत, नेपाल इन्स्योरेन्सको ०.३८ प्रतिशत, नेको इन्स्योरेन्सको ०.७९ प्रतिशत, एनएलजीको ०.५० प्रतिशत, नेपाल माइक्रो इन्स्योरेन्सको १.३१ प्रतिशत, सलिकोको ०.६७ प्रतिशत, सानिमा जिआइसीको ०.४६ प्रतिशत, शिखरको ०.१० प्रतिशत, सिद्धार्थ प्रिमियरको १.६८ प्रतिशत, युनाइटेड अजोडको ०.४३ प्रतिशत, हिमालयन रि को १.०१ प्रतिशत र नेपाल रि को ०.९९ प्रतिशतले घटेको छ ।