२ बीमा कम्पनीको मात्रै सेयरभाउ बढ्यो, सर्वाधिक गुमाउनेमा क्रेष्ट माइक्रो लाइफ

काठमाण्डौ । सोमबार सेयरबजारमा दोहोरो अंकको गिरावट आएको छ । नेप्से परिसूचक २६.२९ अंकले घटेर २६२७.११ विन्दुमा कायम भएको छ ।  

नेप्सेमा सूचीकृत ३५६ कम्पनीको ७५ लाख ४० हजार ४१८ कित्ता सेयर किनबेच हुँदा ३ अर्ब ५५ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक घटेको छ । जीवन बीमा समूह ०.६९ प्रतिशत र निर्जीवन बीमा समूह ०.९८ प्रतिशतले घटेको छ ।  

बीमा समूह घट्दा दुई कम्पनीको सेयरभाउ भने बढेको छ । सानिमा जिआइसी इन्स्योरेन्सको सेयरभाउ ०.०२ प्रतिशतले बढेर ४६८ रुपैयाँ र सिटिजन लाइफको सेयरभाउ ०.६७ प्रतिशतले बढेर ४५१.९० रुपैयाँ पुगेको छ ।    

सर्वाधिक गुमाउनेमा भने क्रेष्ट माइक्रो लाइफ रहेको छ । कम्पनीको सेयरभाउ २.४१ प्रतिशतले घटेर १२१४.९० रुपैयाँ कायम भएको छ ।  

त्यस्तै, एशियन लाइफको १.१७ प्रतिशत, गार्डियन माइक्रो लाइफको १.९५ प्रतिशत, हिमालयन लाइफको १.१४ प्रतिशत, आइएमई लाइफको १.१६ प्रतिशत, एलआइसी नेपालको १.५९ प्रतिशत, नेपाल लाइफको ०.०८ प्रतिशत, नेशनल लाइफको ०.१७ प्रतिशत, प्रभु महालक्ष्मी लाइफको ०.८९ प्रतिशत, सूर्यज्योति लाइफको ०.१२ प्रतिशत, सन नेपाल लाइफको १.३४ प्रतिशत, सानिमा रिलायन्स लाइफको ०.५८ प्रतिशतले घटेको छ ।  

हिमालयन एभरेष्टको ०.५३ प्रतिशत, आइजीआई प्रुडेन्सियलको ०.४२ प्रतिशत, नेपाल इन्स्योरेन्सको ०.७३ प्रतिशत, नेको इन्स्योरेन्सको ०.३२ प्रतिशत, एनएलजीको २.०८ प्रतिशत, नेपाल माइक्रो इन्स्योरेन्सको १.९६ प्रतिशत, प्रभु इन्स्योरेन्सको १.४४ प्रतिशत, आरबीसीएलको १.३९ प्रतिशत, सलिकोको १.७६ प्रतिशत, शिखरको ०.४८ प्रतिशत, सिद्धार्थ प्रिमियरको ०.७२ प्रतिशत, युनाइटेड अजोडको ०.६८ प्रतिशत, हिमालयन रि को ०.७७ प्रतिशत र नेपाल रि को ०.८४ प्रतिशतले घटेको छ ।