.gif)
_(1).gif)
.png)
काठमाण्डौ । गृह मन्त्रालयले सिंहदरबार प्रवेशका लागि सहज व्यवस्था गरेको छ । यसअघि सिंहदरवार प्रवेशका लागि झन्झट तथा भनसुन गर्नु नपर्ने अवस्था रहेकोमा अब भने अनलाइनबाट आवेदन दिएर सिंहदरवार प्रवेश पास लिन सकिने भएको छ ।
सर्वसाधारणका लागि सिंहदरवार प्रवेश गर्न सहज बनाउने उदेश्यले क्युआर कोडसहितको प्रवेश पासको व्यवस्था गरिएको गृह मन्त्रालयले जनाएको छ । सिंहदरवार प्रवेश पासका लागि मोबाइल–वेबसाइट प्रयोगकर्ताले प्लेस्टोरमा सिंहदरवार पास डाउनलोड गरेर वा ब्राउजरमा सिंहदरवारपास डट जिओभी डट एनपी लगइन गरेर प्रवेश पास प्राप्त गर्न सक्नेछन् ।
(1).gif)
अनलाइन प्रणालीबाट दिएको आवेदन सम्बन्धित मन्त्रालयले स्वीकृत गरेपछि सोही प्रणालीमा प्रवेश पास क्युआर कोडमा उपलब्ध हुने गृह मन्त्रालयले जनाएको छ । यसरी उपलब्ध भएको क्युआर कोड सिंहदरवार प्रवेशका लागि देखाउनुपर्ने छ । यस्तो अस्थायी पास अनुरोध १ दिनदेखि ३ महिनासम्मका लागि गर्न सकिनेछ ।
गृह मन्त्रालयका अनुसार दर्ता गर्ने क्रममा नागरिकता, राष्ट्रिय परिचयपत्र, पासपोर्ट वा ड्राइभिङ लाइसेन्सको फोटोसँगै नम्बर पनि समावेश गर्नु पर्नेछ ।
.gif)
.png)
.jpg)
.jpg)
.gif)
(1).gif)
.gif)
