कर्णाली सरकारबाट कांग्रेसका चार मन्त्रीले दिए राजीनामा

काठमाण्डौ। कर्णाली प्रदेश सरकारमा नेपाली कांग्रेसबाट सहभागी चार मन्त्रीले संयुक्त रूपमा राजीनामा दिएका छन्। सरकारमा कांग्रेसको तर्फबाट सहभागी मन्त्रीहरूले मुख्यमन्त्री यामलाल कँडेलसमक्ष राजीनामा बुझाएका हुन्।

राजीनामा दिनेमा आर्थिक मामिला तथा योजना मन्त्री राजीवविक्रम शाह, सामाजिक विकास मन्त्री घनश्याम भण्डारी, जलस्रोत तथा ऊर्जा विकास मन्त्री विजया बुढा र उद्योग, पर्यटन, वन तथा वातावरण मन्त्री सुरेश अधिकारी रहेका छन्।

उनीहरू २०८१ साल साउनमा कर्णाली प्रदेश सरकारमा मन्त्री नियुक्त भएका थिए। पछिल्लो समय कांग्रेसभित्रै उनीहरूको कार्यसम्पादनलाई लिएर प्रश्न उठ्दै आएको थियो।