१५ बीमा कम्पनीको सेयरभाउ बढ्यो, सर्वाधिक गुमाउनेमा प्रभु महालक्ष्मी लाइफ

काठमाण्डौ । साताको अन्तिम कारोबार दिन सेयरबजारमा सामान्य अंकको बढोत्तरी भएको छ । नेप्से परिसूचक ७.९० अंकले बढेर २७३४.६३ विन्दुमा कायम भएको छ ।  

नेप्सेमा सूचीकृत ३५३ कम्पनीको १ करोड ३७ लाख ६९ हजार १०० कित्ता सेयर किनबेच हुँदा ६ अर्ब २६ करोड रुपैयाँमाथिको सेयर कारोबार भएको छ ।  

बीमा समूहका दुईवटै उपसूचक आज बढेका छन् । जीवन बीमा समूह ०.१३ प्रतिशत र निर्जीवन बीमा समूह ०.०२ प्रतिशतले बढेको छ ।  

आज १५ बीमा कम्पनीको सेयरभाउ बढेको छ । सर्वाधिक कमाउनेमा क्रेष्ट माइक्रो लाइफ रहेको छ । कम्पनीको सेयरभाउ २.३२ प्रतिशतले बढेर १२२८.९० रुपैयाँ पुगेको छ ।  

त्यस्तै, एशियन लाइफको ०.२० प्रतिशत, एलआइसी नेपालको ०.०१ प्रतिशत, नेपाल लाइफको ०.७९ प्रतिशत, नेशनल लाइफको ०.८६ प्रतिशत, सूर्यज्योति लाइफको ०.७१ प्रतिशत, सन नेपाल लाइफको ०.६६ प्रतिशत, सानिमा रिलायन्स लाइफको ०.३१ प्रतिशत, हिमालयन एभरेष्टको १.५१ प्रतिशत, नेको इन्स्योरेन्सको ०.०२ प्रतिशत, एनएलजीको १.५० प्रतिशत, नेपाल माइक्रो इन्स्योरेन्सको १.४४ प्रतिशत, प्रभु इन्स्योरेन्सको १.०२ प्रतिशत, सलिकोको ०.९३ प्रतिशत, युनाइटेड अजोडको ०.४२ प्रतिशतले बढेको छ ।  

सर्वाधिक गुमाउनेमा भने प्रभु महालक्ष्मी लाइफ रहेको छ । कम्पनीको सेयरभाउ २.३७ प्रतिशतले घटेर ४५४ रुपैयाँ पुगेको छ ।  

त्यस्तै, सिटिजन लाइफको ०.२२ प्रतिशत, गार्डियन माइक्रो लाइफको ०.७१ प्रतिशत, हिमालयन लाइफको ०.३९ प्रतिशत, रिलायबल नेपाल लाइफको ०.६६ प्रतिशत, आइजीआई प्रुडेन्सियलको ०.०४ प्रतिशत, आरबीसीएलको १.९८ प्रतिशत, सानिमा जिआइसीको ०.१७ प्रतिशत, शिखरको ०.०५ प्रतिशत, हिमालयन रि को १.८७ प्रतिशत र नेपाल रि को १ प्रतिशतले घटेको छ ।