चार बीमा कम्पनीको मात्रै सेयरभाउ बढ्यो, सर्वाधिक गुमाउनेमा दुई रि इन्स्योरेन्स

काठमाण्डौ । मंगलबार सेयरबजारमा सामान्य अंकको गिरावट आएको छ । नेप्से परिसूचक ४.६४ अंकले घटेर २६९६.६७ विन्दुमा कायम भएको छ ।  

नेप्सेमा सूचीकृत ३४२ कम्पनीको १ करोड ४ लाख २१ हजार ८६३ कित्ता सेयर किनबेच हुँदा ४ अर्ब ४२ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक घटेका छन् । जीवन बीमा समूह ०.५८ प्रतिशत र निर्जीवन बीमा समूह ०.२४ प्रतिशतले घटेको छ ।  

आज ४ बीमा कम्पनीको मात्रै सेयरभाउ बढेको छ । सर्वाधिक कमाउनेमा सिद्धार्थ प्रिमियर इन्योरेन्स रहेको छ । कम्पनीको सेयरभाए १.८४ प्रतिशतले बढेर ७१८ रुपैयाँ पुगेको छ ।  

त्यस्तै, एनएलजीको ०.५१ प्रतिशत, नेपाल माइक्रो इन्स्योरेन्सको ०.१६ प्रतिशत, सलिकोको ०.२८ प्रतिशतले बढेको छ ।  

सर्वाधिक गुमाउनेमा भने दुई पुनर्बीमा कम्पनी रहेका छन् । नेपाल रि को सेयरभाउ १.५५ प्रतिशतले घटेर ९५३ रुपैयाँ कायम भएको छ भने हिमालयन रि को सेयरभाउ १.३१ प्रतिशतले घटेर ५९६ रुपैयाँ कायम भएको छ ।  

त्यस्तै, हिमालयन एभरेष्टको ०.९२ प्रतिशत, आइजीआई प्रुडेन्सियलको ०.०५ प्रतिशत, नेपाल इन्स्योरेन्सको ०.४१ प्रतिशत, नेको इन्स्योरेन्सको ०.५० प्रतिशत, प्रभु इन्स्योरेन्सको ०.२१ प्रतिशत, आरबीसीएलको १.११ प्रतिशत, सानिमा जिआइसीको ०.८५ प्रतिशत, शिखरको ०.६५ प्रतिशत, युनाइटेड अजोडको ०.५६ प्रतिशतले घटेको छ ।  

यसका साथै एशियन लाइफको ०.४६ प्रतिशत, सिटिजन लाइफको ०.६६ प्रतिशत, क्रेष्ट माइक्रो लाइफको ०.२० प्रतिशत, गार्डियन माइक्रो लाइफको ०.९४ प्रतिशत, हिमालयन लाइफको ०.४६ प्रतिशत, आइएमई लाइफको ०.४६ प्रतिशत, आइएमई लाइफको ०.३३ प्रतिशत, एलआइसी नेपालको १.०९ प्रतिशत, नेपाल लाइफको ०.३८ प्रतिशत, नेशनल लाइफको ०.५७ प्रतिशत, प्रभु महालक्ष्मी लाइफको ०.६९ प्रतिशत, रिलायलब नेपाल लाइफको ०.२२ प्रतिशत, सूर्यज्योति लाइफको ०.२६ प्रतिशत, सन नेपाल लाइफको १.२१ प्रतिशत र सानिमा रिलायन्स लाइफको ०.६२ प्रतिशतले घटेको छ ।