१२ बीमा कम्पनीको सेयरभाउ बढ्यो, सर्वाधिक गुमाउनेमा दुई पुनर्बीमा

काठमाण्डौ । सोमबार सेयरबजारमा सामान्य अंकको गिरावट आएको छ । नेप्से परिसूचक १.२० अंकले घटेर २६८४.३३ विन्दुमा कायम भएको छ ।  

नेप्सेमा सूचीकृत ३४९ कम्पनीको १ करोड १४ लाख ४९ हजार ९८७ कित्ता सेयर किनबेच हुँदा ४ अर्ब ५७ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक बढेका छन् । जीवन बीमा समूह ०.०९ प्रतिशत र निर्जीवन बीमा समूह ०.३० प्रतिशतले बढेको छ ।  

बीमा समूह बढ्दा आज १२ बीमा कम्पनीको सेयरभाउ बढेको छ । सर्वाधिक कमाउनेमा राष्ट्रिय बीमा कम्पनी रहेको छ । कम्पनीको सेयरभाउ २.७० प्रतिशतले बढेर १४ हजार ५९० रुपैयाँ पुगेको छ ।  

त्यस्तै, हिमालयन एभरेष्टको ०.१९ प्रतिशत, नेपाल इन्स्योरेन्सको ०.२० प्रतिशत, नेको इन्स्योरेन्सको ०.६५ प्रतिशत, नेपाल माइक्रो इन्स्योरेन्सको ०.५४ प्रतिशत, शिखरको ०.६५ प्रतिशत, एशियन लाइफको ०.०७ प्रतिशत, क्रेष्ट माइक्रो लाइफको ०.४२ प्रतिशत, एलआइसी नेपालको ०.२७ प्रतिशत, नेपाल लाइफको ०.०१ प्रतिशत, नेशनल लाइफको २.१२ प्रतिशत र सानिमा रिलायन्स लाइफको ०.६६ प्रतिशतले बढेको छ ।  

सर्वाधिक गुमाउनेमा हिमालयन रि इन्स्योरेन्स र नेपाल रि इन्स्योरेन्स रहेको छ । नेपाल रि को सेयरभाउ १.४४ प्रतिशतले घटेर ९५६ रुपैयाँ र हिमालयन रि को सेयरभाउ १.३३ प्रतिशतले घटेर ५९५ रुपैयाँ पुगेको छ ।  

त्यस्तै, आइजीआई प्रुडेन्सियलको १.२६ प्रतिशत, एनएलजीको ०.८६ प्रतिशत, प्रभु इन्स्योरेन्सको १ प्रतिशत, सलिकोको ०.४५ प्रतिशत, सानिमा जिआइसीको ०.४३ प्रतिशत, सिद्धार्थ प्रिमियरको ०.८४ प्रतिशत, युनाइटेड अजोडको ०.०७ प्रतिशत, सिटिजन लाइफको ०.६७ प्रतिशत, गार्डियन माइक्रो लाइफको ०.३५ प्रतिशत, हिमालयन लाइफको ०.३१ प्रतिशत, आइएमई लाइफको ०.४१ प्रतिशत, प्रभु महालक्ष्मी लाइफको ०.२० प्रतिशत, रिलायबल नेपाल लाइफको ०.२० प्रतिशत, सूर्यज्योति लाइफको ०.४८ प्रतिशत र सन नेपाल लाइफको ०.९१ प्रतिशतले घटेको छ।