सेयरबजारमा सामान्य गिरावट, कारोबार रकम भने बढ्यो

काठमाण्डौ । साताको पहिलो कारोबार दिन सेयरबजार सामान्य अंकले घटेको छ । आज नेपाल स्टक एक्सचेञ्ज (नेप्से) परिसूचक ०.०४ प्रतिशत अर्थात १.२० अंकले घटेर २ हजार ६८४.३३ विन्दुमा सीमित बनेको छ। यससँगै बलिया तथा ठूला कम्पनीहरूको मापक सेन्सेटिभ इन्डेक्स भने ०.१० प्रतिशतले बढेर ४७०.६३ विन्दुमा पुगेको छ ।

आज नेप्सेमा सूचीकृत ३४९ वटा स्क्रिप्टको १ करोड १४ लाख ४९ हजार ९८७ कित्ता सेयर किनबेच हुँदा कुल कारोबार रकम ४ अर्ब ५७ करोड २० लाख बढीको सेयर कारोबार भएको छ । अघिल्लो दिन भने ३ अर्ब ७५ करोड ९७ लाख बढीको सेयर कारोबार भएको थियो ।

कुन समूहमा भयो कतिको थपघट ?

आज कारोबारमा आएका १३ वटा समूहमध्ये ८ वटामा हरियाली छायो भने ५ वटा समूहमा रातो पोतियो । आज म्युचुअल फण्ड समूह सर्वाधिक अर्थात ०.४९ प्रतिशतले बढ्यो ।

यस्तै बैंकिङ समूह ०.२६ प्रतिशत, विकास बैंक समूह ०.२३, होटल ०.०१, जीवन बीमा ०.०९, लघुवित्त ०.३० र निर्जीवन बीमा ०.३० प्रतिशतले बढ्यो । हाईड्रो समूह आज ०.३१ अंकले बढ्यो ।  

आज व्यापार समूह सर्वाधिक अर्थात ०.९३ प्रतिशतले घट्यो । यस्तै फाइनान्स ०.२९ प्रतिशत, लगानी ०.१०, उत्पादन तथा प्रशोधन ०.५७ र अन्य ०.८३ प्रतिशतले घट्यो ।  

सर्वाधिक कारोबार हुने कम्पनी

आज रिलायन्स स्पीनिङ मिल्सको सर्वाधिक सेयर कारोबार भयो । यो कम्पनीको आज २७ करोड ६२ लाख बढीको सेयर कारोबार भयो । यस्तै रिडी पावर कम्पनीको २० करोड ८२ लाख, ग्लोबल आईएमई बैंकको १९ करोड ४९ लाख र सप्तकोशी डेभलपमेन्ट बैंकको १७ करोड ६० लाख बढीको सेयर कारोबार भयो ।

सर्वाधिक कमाउने र गुमाउने कम्पनी

आज कारोबारमा आएका कम्पनीहरुमध्ये एउटा मात्रै कम्पनीको सेयरमूल्यमा अपर सर्किट लाग्यो । आज एभरेष्ट कलर लिमिटेडको सेयरमूल्यमा मात्रै अपर सर्किट लाग्यो ।

यस्तै सप्तकोशी डेभलपमेन्ट बैंकको सेयरमूल्य ११.७७ प्रतिशत, महुली लघुवित्तको ७.१६ र श्रीनगर एग्रीटेकको सेयरमूल्य ४.१३ प्रतिशतले बढ्यो ।  

यो दिन रिलायन्स स्पीनिङ मिल्सको सेयरमूल्य सर्वाधिक अर्थात ७.४० प्रतिशतले घट्यो । सालपा विकास बैंकको ४.३१ र भगवती हाईड्रोपावरको सेयरमूल्य ३.३६ प्रतिशतले बढ्यो ।