४०% ले बढ्यो एनएमबि बैंकको खुद नाफा, खुद ब्याज आम्दानी र लाभांश क्षमता कति ?

काठमाण्डौ । एनएमबि बैंक लिमिटेडले गत आवको चौथो त्रैमाससम्म ४ अर्ब १ करोड रुपैयाँ बढी खुद नाफा आर्जन गरेको छ । यो रकम अघिल्लो आवमा बैंकले आर्जन गरेको २ अर्ब ८५ करोडको तुलनामा ४०.६० प्रतिशतले बढी हो ।

बैंकको खुद ब्याज आम्दानी पनि बढेको छ। यो अवधिमा बैंकको खुद ब्याज आम्दानी ९ अर्ब ४२ करोड रुपैयाँ रहेको छ । जुन अघिल्लो आवको तुलनामा १७.५२ प्रतिशतले बढी हो । बैंकको खुद शुल्क तथा कमिशन आम्दानी पनि बढेको छ । अघिल्लो आवमा ८ अर्ब २ करोड रुपैयाँ रहेको बैंकको खुद शुल्क तथा कमिशन आम्दाबी बढेर २ अर्ब ५९ करोड रुपैयाँ पुगेको छ ।  

बैंकको रिटेन्ड अर्निङको आकार १ अर्ब ८७ करोड र रिजर्भको आकार १३ अर्ब ९० करोड रुपैयाँबराबर रहेको छ । बैंकको निक्षेप २ खर्ब ८० अर्बबाट बढेर ३ खर्ब १५ अर्ब रुपैयाँ पुगेको छ ।  

यस्तै बैंकको कर्जा परिचालन पनि २ खर्ब २८ अर्बबाट बढेर २ खर्ब ४९ अर्ब पुगेको छ ।  

बैंकले सम्भावित जोखिमका लागि २ अर्ब ३४ करोड रुपैयाँ इम्पेयरमेन्ट चार्जको रुपमा छुट्टाएको छ । अघिल्लो आवमा भने बैंकले इम्पेयरमेन्ट चार्जका लागि १ अर्ब ६३ करोड छुट्टाएको थियो । यो अवधिमा बैंकको खराब कर्जा अनुपातमा वृद्धि भएको छ । अघिल्लो आवको दोस्रो त्रैमाससम्म ४.११ प्रतिशत रहेको खराब कर्जा अनुपात बढेर ४.९१ प्रतिशत पुगेको छ ।

बैंकको वितरणयोग्य मुनाफा १ अर्ब ७५ करोड रहेको छ । यो अवधिमा बैंकको लाभांश क्षमता १०.३५ प्रतिशतबाट घटेर ९.०८ प्रतिशतमा खुम्चिएको छ ।

समीक्षा अवधिसम्म बैंकको प्रतिसेयर आम्दानीमा बढेको छ । बैंकको ईपीएस १४.८० रुपैयाँबाट बढेर २०.१८ रुपैयाँ पुगेको छ । यस्तै बैंकको प्रतिसेयर नेटवर्थ १८१.१५ रुपैयाँ, प्रतिसेयर कुल सम्पत्तिको मूल्य २ हजार ६०.५७ रुपैयाँ, मूल्य आम्दानी अनुपात ११.८७ गुणा र तरलता अनुपात २८.९९ प्रतिशत कायम भएको छ ।