५ बीमा कम्पनीको मात्रै सेयरभाउ बढ्यो, सर्वाधिक गुमाउनेमा युनाइटेड अजोड इन्स्योरेन्स

काठमाण्डौ । सोमबार सेयरबजारमा सामान्य अंकको गिरावट आएको छ । नेप्से परिसूचक ९.०४ अंकले घटेर २६४१.०५ विन्दुमा कायम भएको छ ।  

नेप्सेमा सूचीकृत ३५२ कम्पनीको १ करोड ९ लाख ६६ हजार ७४५ कित्ता सेयर किनबेच हुँदा ३ अर्ब ६७ करोड रुपैयाँमाथिको सेयर कारोबार भएको छ ।  

आज बीमा समूहका दुई उपसूचकमध्ये जीवन बीमा समूह ०.६२ प्रतिशतले घटेको छ भने निर्जीवन बीमा समूह ०.०४ प्रतिशतले बढेको छ ।  

आज ५ बीमा कम्पनीको मात्रै सेयरभाउ बढेको छ । सर्वाधिक कमाउनेमा नेपाल इन्स्योरेन्स रहेको छ । कम्पनीको सेयरभाउ १.५८ प्रतिशतले बढेर ५०६.९० रुपैयाँ पु्गेको छ ।  

त्यस्तै, प्रभु इन्स्योरेन्सको ०.३० प्रतिशत, आरबीसीएलको १.४७ प्रतिशत, शिखरको ०.१८ प्रतिशत र नेशनल लाइफ इन्स्योरेन्सको ०.८९ प्रतिशतले बढेको छ ।  

सर्वाधिक गुमाउनेमा भने युनाइटेड अजोड इन्स्योरेन्स रहेको छ । कम्पनीको सेयरभाउ १.९७ प्रतिशतले घटेर ४३२ रुपैयाँ कायम भएको छ ।  

त्यस्तै, हिमालयन एभरेष्टको ०.५६ प्रतिशत, आइजीआई प्रुडेन्सियलको ०.४७ प्रतिशत, नेको इन्स्योरेन्सको ०.६३ प्रतिशत, एनएलजीको ०.३५ प्रतिशत, नेपाल माइक्रो इन्स्योरेन्सको १.३२ प्रतिशत, सानिमा जिआइसीको ०.३५ प्रतिशत, सिद्धार्थ प्रिमियरको ०.६५ प्रतिशत, हिमालयन रि को ०.८६ प्रतिशत र नेपाल रि को ०.३२ प्रतिशतले घटेको छ ।  

यसका साथै एशियन लाइफको ०.९५ प्रतिशत, सिटिजन लाइफको ०.८८ प्रतिशत, क्रेष्ट माइक्रो लाइफको ०.७८ प्रतिशत, गार्डियन माइक्रो लाइफको ०.४५ प्रतिशत, हिमालयन लाइफको ०.८४ प्रतिशत, आइएमई लाइफको १.०२ प्रतिशत, एलआइसी नेपालको ०.६३ प्रतिशत, नेपाल लाफको ०.२४ प्रतिशत, प्रभु महालक्ष्मी लाइफको १.०३ प्रतिशत, रिलायबल नेपाल लाइफको १.७८ प्रतिशत, सूर्यज्योति लाइफको ०.६३ प्रतिशत, सन नेपाल लाइफको ०.४८ प्रतिशत र सानिमा रिलायन्स लाइफको १.४४ प्रतिशतले घटेको छ ।