अन्तिम कारोबार दिन सामान्य घट्यो सेयरबजार, कारोबार रकम भने बढ्यो

काठमाण्डौ । साताको अन्तिम कारोबार दिन सेयरबजार सामान्य अंकले घटेको छ । आज नेपाल स्टक एक्सचेञ्ज (नेप्से) परिसूचक ०.२७ प्रतिशत अर्थात ७.३७ अंकले घटेर २ हजार ६४३.८३ विन्दुमा पुगेको छ। यससँगै बलिया तथा ठूला कम्पनीहरूको मापक सेन्सेटिभ इन्डेक्स भने ०.०२ प्रतिशतले बढेर ४६४.७३ विन्दुमा पुगेको छ ।

आज नेप्सेमा सूचीकृत ३४४ वटा स्क्रिप्टको ९७ लाख ५४ हजार ४०३ कित्ता सेयर किनबेच हुँदा कुल कारोबार रकम ४ अर्ब २७ करोड ५६ लाख बढीको सेयर कारोबार भएको छ । अघिल्लो दिन भने ३ अर्ब ७२ करोड ३३ लाख बढीको सेयर कारोबार भएको थियो ।

कुन समूहमा भयो कतिको थपघट ?

आज कारोबारमा आएका १३ वटै समूहमध्ये ४ वटा बाहेक अन्य सबैमा रातो पोतियो । आज अन्य समूह सर्वाधिक अर्थात ०.४४ प्रतिशतले बढ्यो । यस्तै जीवन बीमा समूह ०.२७ प्रतिशत, लघुवित्त ०.२८ र म्युचुअल फण्ड ०.२४ प्रतिशतले बढ्यो ।  ।

आज व्यापार समूह सर्वाधिक अर्थात २.५७ प्रतिशतले घट्यो । यस्तै बैंकिङ ०.१४ प्रतिशत, विकास बैंक ०.३३, फाइनान्स ०.७३, होटल ०.३३, हाईड्रो ०.३४, लगानी ०.९२, उत्पादन तथा प्रशोधन ०.३८ र निर्जीवन बीमा ०.४३ प्रतिशतले घट्यो ।

Sponsored

सर्वाधिक कारोबार हुने कम्पनी

आज कृषि विकास बैंक बोण्डको सर्वाधिक कारोबार भयो । यो बोण्डको आज ७० करोड ८७ लाख बढीको सेयर कारोबार भयो । यस्तै आज खानीखोला हाईड्रोको सेयरमूल्य १७ करोड ९८ लाख ,लिबर्टी इनर्जीको १६ करोड ५६ लाख, ङादी ग्रुप पावरको १० करोड ९० लाख र एनआरएन इन्फ्रास्ट्रक्चरको १० करोड ८९ लाख बढीको सेयर कारोबार भयो ।

सर्वाधिक कमाउने र गुमाउने कम्पनी

आज कारोबारमा आएका कम्पनीहरु मध्ये दुईवटा कम्पनीको सेयरमूल्यमा मात्रै अपर सर्किट लाग्यो । आज माउन्ट एभेरष्ट पावर डेभलपमेन्ट र र सवोत्तम पेन्ट्सको सेयरमूल्यमा मात्रै अपर सर्किट लाग्यो ।

यस्तै फस्र्ट माइक्रोफाइनान्स लघुवित्तको सेयरमूल्य ६.९६ प्रतिशत र विकास हाईड्रोपावरको सेयरमूल्य ६.८६ प्रतिशतले बढ्यो ।  

यो दिन सुपर खुदी हाईड्रोको सेयरमूल्य सर्वाधिक अर्थात १२.८३ प्रतिशतले घट्यो । यस्तै सिटिजन सन्तुलित योजनाको सेयरमूल्य ८.३३ प्रतिशत र अप्पर लोहरे खोलाको सेयरमूल्य ४.७४ प्रतिशतले घट्यो ।