नेप्सेमा आजपनि देखिएन सुधार, कारोबार रकम भने बढ्यो

काठमाण्डौ । साताको पहिलो कारोबार दिन सेयरबजार सामान्य अंकले घटेको छ । आज नेपाल स्टक एक्सचेञ्ज (नेप्से) परिसूचक ०.०८ प्रतिशत अर्थात २.२५ अंकले घटेर २ हजार ६४१.५८ विन्दुमा झरेको छ। यससँगै बलिया तथा ठूला कम्पनीहरूको मापक सेन्सेटिभ इन्डेक्स भने ०.२३ प्रतिशतले घटेर ४६३.६४ विन्दुमा सीमित बनेको छ ।

आज नेप्सेमा सूचीकृत ३५० वटा स्क्रिप्टको १ करोड १९ लाख ३२ हजार ३५ कित्ता सेयर किनबेच हुँदा कुल कारोबार रकम ५ अर्ब ५२ करोड ५५ लाख बढीको सेयर कारोबार भएको छ । अघिल्लो दिन भने ४ अर्ब २७ करोड ५६ लाख बढीको सेयर कारोबार भएको थियो ।

कुन समूहमा भयो कतिको थपघट ?

आज कारोबारमा आएका १३ वटै समूहमध्ये ५ वटा बाहेक अन्य सबैमा रातो पोतियो । आज उत्पादन तथा प्रशोधन समूह सर्वाधिक अर्थात १.३० प्रतिशतले बढ्यो । यस्तै हाईड्रो ०.४५ प्रतिशत, म्युचुअल फण्ड ०.२९, अन्य ०.४७ र व्यापार ०.१४ प्रतिशतले बढ्यो ।  ।

आज फाइनान्स समूह सर्वाधिक अर्थात १.१४ प्रतिशतले घट्यो । यस्तै बैंकिङ ०.५० प्रतिशत, विकास बैंक ०.२९, होटल ०.५६, लगानी ०.५९, जीवन बीमा ०.३६, लघुवित्त ०.६६ र  निर्जीवन बीमा ०.६१ प्रतिशतले घट्यो ।

Sponsored

Sponsored

सर्वाधिक कारोबार हुने कम्पनी

आज रिलायन्स स्पीनिङ मिल्सको सर्वाधिक कारोबार भयो । यो बोण्डको आज १ अर्ब ३८ करोड बढीको सेयर कारोबार भयो । यस्तै सोलु हाईड्रोको ३८ करोड ४४ लाख, रिडी पावरको १६ करोड ४१ लाख, खानीखोला हाईड्रोको १५ करोड ४१ लाख र विकास हाईड्रोको १२ करोड १६ लाख बढीको सेयर कारोबार भयो ।

सर्वाधिक कमाउने र गुमाउने कम्पनी

आज कारोबारमा आएका कम्पनीहरु मध्ये दुईवटा कम्पनीको सेयरमूल्यमा मात्रै अपर सर्किट लाग्यो । आज माउन्ट एभेरष्ट पावर डेभलपमेन्ट र र सवोत्तम पेन्ट्सको सेयरमूल्यमा मात्रै अपर सर्किट लाग्यो ।

यस्तै रिलायन्स स्पीनिङ मिल्सको सेयरमूल्य ११.१७ प्रतिशत, सगरमाथा जलविद्युतको ११.०६ र विकास हाईड्रोको सेयरमूल्य ८.२२ प्रतिशतले बढ्यो ।  

यो दिन फस्र्ट माइक्रोफाइनान्सको सेयरमूल्य सर्वाधिक अर्थात ६.६३ प्रतिशतले घट्यो । यस्तै महिला लघुवित्तको सेयरमूल्य ६.५७ प्रतिशत र खानीखोला हाईड्रोको सेयरमूल्य ६.३३ प्रतिशतले घट्यो ।