१० बीमा कम्पनीको सेयरभाउ बढ्यो, सर्वाधिक गुमाउनेमा गार्डियन माइक्रो लाइफ

काठमाण्डौ । मंगलबार सेयरबजारमा झिनो अंकको गिरावट आएको छ । नेप्से परिसूचक ५.३० अंकले घटेर २५९४.२७ विन्दुमा कायम भएको छ ।  

नेप्सेमा सूचीकृत ३५७ कम्पनीको १ करोड ४४ हजार १६४ कित्ता सेयर किनबेच हुँदा ४ अर्ब १० करोड रुपैयाँमाथिको सेयर कारोबार भएको छ ।  

आज बीमा समूहका दुई उपसूचकमध्ये जीवन बीमा समूह ०.०९ प्रतिशतले घटेको छ भने निर्जीवन बीमा समूह ०.३६ प्रतिशतले बढेको छ ।  

आज १० बीमा कम्पनीको सेयरभाउ बढेको छ । सर्वाधिक कमाउनेमा क्रेष्ट माइक्रो लाइफ रहेको छ । कम्पनीको सेयरभाउ १४.९५ प्रतिशतले बढेर १२५३ रुपैयाँ पुगेको छ ।  

त्यस्तै, एलआइसी नेपालको ०.१३ प्रतिशत, नेशनल लाइफको ०.२० प्रतिशत, सानिमा रिलायन्स लाइफको ०.३८ प्रतिशत, हिमालयन एभरेष्टको ०.८३ प्रतिशत, आइजीआई प्रुडेन्सियलको ०.०७ प्रतिशत, नेपाल इन्स्योरेन्सको ०.६० प्रतिशत, एनएलजीको ०.५२ प्रतिशत, आरबीसीएलको २.५१ प्रतिशत र सलिकोको ०.३४ प्रतिशतले बढेको छ ।

सर्वाधिक गुमाउनेमा भने गार्डियन माइक्रो लाइफ रहेको छ । कम्पनीको सेयरभाउ १.४८ प्रतिशतले घटेर ९८५.२० रुपैयाँ कायम भएको छ ।  

त्यस्तै, एशियन लाइफको ०.५८ प्रतिशत, सिटिजन लाइफको ०.१२ प्रतिशत, हिमालयन लाइफको १.२९ प्रतिशत, नेपाल लाइफको ०.९७ प्रतिशत, प्रभु महालक्ष्मी लाइफको ०.५८ प्रतिशत, रिलायबल नेपाल लाइफको ०.५७ प्रतिशत, सूर्यज्योति लाइफको ०.२५ प्रतिशत, सन नेपाल लाइफको ०.७३ प्रतिशतले घटेको छ ।  

यसका साथै नेको इन्स्योरेन्सको ०.८५ प्रतिशत, नेपाल माइक्रो इन्स्योरेन्सको ०.३५ प्रतिशत, प्रभु इन्स्योरेन्सको ०.४७ प्रतिशत, सानिमा जिआइसीको ०.६८ प्रतिशत, शिखरको ०.९९ प्रतिशत, सिद्धार्थ प्रिमियरको ०.०२ प्रतिशत, युनाइटेड अजोडको ०.४८ प्रतिशत, हिमालयन रि को ०.२९ प्रतिशत र नेपाल रि को ०.७६ प्रतिशतले घटेको छ ।