.gif)
.gif)
_prclUIC8oq.jpg)
.png)
काठमाण्डौ । भोटेकोशी नदीमा आएको विनाशकारी बाढीले बगाएर ल्याएको आशंका गरिएका ६२ वटा शव नवलपुरस्थित नारायणी नदी किनारबाट सङ्कलन गरिएको छ।
जिल्ला प्रहरी कार्यालय नवलपरासी पूर्वका अनुसार बिहीबारसम्म फेला परेका शवमध्ये २६ पुरुष, १६ महिला, ३ बालक र ७ बालिका रहेका छन्। केही शवको लिङ्गसमेत यकिन हुन सकेको छैन।
प्रहरीका अनुसार फेला परेका कुनै पनि शवको हालसम्म पहिचान खुल्न सकेको छैन।
सङ्कलन गरिएका शवलाई तत्कालका लागि स्थानीय तहअन्तर्गतका अस्पतालमा राखिएको छ। आवश्यक प्रक्रिया पूरा गरी शवलाई थप व्यवस्थापन तथा पहिचानका लागि पोखरा पठाउने तयारी भइरहेको जिल्ला प्रहरी कार्यालयले जनाएको छ।
.gif)
भोटेकोशीमा आएको बाढीले रसुवा हुँदै त्रिशूली र त्यसपछि नारायणी नदीसम्म व्यापक असर पारेको छ। नदीको तीव्र बहावसँगै बगेर आएका शवहरू नारायणी किनारका विभिन्न स्थानमा फेला पर्न थालेपछि प्रहरीले खोज तथा सङ्कलन कार्य तीव्र बनाएको छ।
जिल्ला प्रहरी कार्यालय नवलपरासी पूर्वले बिहानैदेखि विभिन्न टोली परिचालन गरी नदी किनार तथा सम्भावित क्षेत्रमा शव खोजी गरिरहेको जनाएको छ।
बाढीले रसुवा, नुवाकोट, धादिङलगायत त्रिशूली नदी तटीय क्षेत्रमा ठूलो जनधनको क्षति पुर्याएको छ। बाढी तथा पहिरोमा परी मृत्यु हुनेको संख्या बढ्दै गएको छ भने अझै धेरै व्यक्ति बेपत्ता रहेको आशंका गरिएको छ।
नारायणी नदीमा एकैपटक ठूलो संख्यामा शव भेटिनुले भोटेकोशी बाढीको मानवीय क्षति अझै गम्भीर हुनसक्ने संकेत गरेको छ।
.gif)
.gif)
.png)
.gif)
(59).jpg)
.jpg)
.gif)
(1).gif)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।